კრემლი რუს ოპოზიციონერს, ალექსი ნავალნის აშშ-ს ცენტრალურ სადაზვერვო სამსახურთან (CIA) მუშაობაში ადანაშაულებს. როგორც ბრიფინგზე რუსეთის პრეზიდენტის პრესსპიკერმა, დიმიტრი პესკოვმა თქვა, მათ აქვთ ინფორმაცია, რომ ნავალნისთან CIA-ს სპეციალისტები მუშაობენ.

"ასე ვიტყვი, რომ, ალბათ, არა პაციენტი მუშაობს დასავლეთის სპეცსამსახურებთან, არამედ დასავლური სპეცსამსახურები მუშაობენ მასთან. ასე უფრო კორექტული იქნება. ნამდვილად არის ასეთი ინფორმაცია. უფრო კონკრეტულადაც შემიძლია თმა: ეს დღეებია მასთან აშშ-ს ცენტრალური დაზვერვის სამსახურის თანამშრომლები მუშაობენ", — აღნიშნა პესკოვმა.

მისივე თქმით, ეს პირველი შემთხვევა არაა როცა, ნავალნი მითითებებს იღებს. პესკოვი გამოეხმაურა ნავალნის განცხადებასაც, რომ მისი მოწამვლის უკან თვითონ პუტინი დგას. კრემლმა მის სიტყვებს უსაფუძვლო და მიუღებელი უწოდა.

ამასთან, პესკოვი აღნიშნავს, რომ ასეთი რიტორიკის გამოყენების დროს, ნავალნი ცდილობს, საკუთარ თავი "ქვეყნის მეთაურთან იმავე დონეზე დააყენოს".