გაერთიანებული ოპოზიცია ძალა ერთობაშიას მაჟორიტარობის კანდიდატის, კახა ოქრიაშვილის თქმით, ის ქართული ოცნების გუნდს არ უხდებოდა, რადგან მონა არ იყო და დამოუკიდებელი აზროვნება ჰქონდა. TV პირველთან ის, ასევე, ამბობს, რომ მის ყოფილ პარტიას ხშირად არ ეთანხმებოდა.

"ხშირად ფესვდოგუნდურ დისციპლინას არ ვემორჩილებოდი და რაც სწორი იყო იმას ვუჭერდი მხარს. მე მაგ გუნდს არ ვუხდებოდი. არ ვუხდებოდი, რადგან მონა არ ვიყავი და დამოუკიდებელი აზროვნება მქონდა. მარტო მორჩილი გრძნობს თავს იქ კარგად. არ ვეთანხმებოდი მე მათ ხშირად რაც სწორი იყო, იმას ვუჭერდი მხარს. ეს იყო გავრილოვთან დაკავშირებული ჩემი განცხადებები, ჩემი წინააღმდეგობა იმასთან დაკავშირებით რომ უდიპლომო მოსამართლეები არ უნდა დავნიშნოთ უზენაეს სასამართლოში და თან უვადოდ, დაჭერებთან დაკავშირებით და ა.შ.", — განაცხადა ოქრიაშვილმა.

მან, ასევე, განაცხადა, რომ ქართული ოცნებიდან მომავალში სხვასაც გააგდებენ და პირველი გიორგი გახარია იქნება, რადგან ოქრიაშვილის თქმით, მისნაირად ისიც არ უხდება გუნდს.

ოქრიაშვილმა ამის შემდეგ მას შემდეგ ისაუბრა, რაც პარტია ქართული ოცნების აღმასრულებელმა მდივანმა, ირაკლი კობახიძემ ოქრიაშვილის პარტიიდან გაშვებას უალტერნატივოდ სწორი გადაწყვეტილება უწოდა.