საჰაერო ძალების გენერალი ლორი რობინსონი ამერიკის შეერთებული შტატების ჩრდილოეთის სარდლობისა და საჰაერო-კოსმოსური თავდაცვის სარდლობის პირველი ქალი მეთაური გახდა. CNN-ის მიხედვით, იგი პირველი ქალია აშშ-ში, რომელსაც სამხედრო სფეროში მეთაურის სტატუსი მიანიჭეს.

კოლორადოში, პიტერსენის საჰაერო ძალების ბაზაზე სიტყვით გამოსვლისას, რობინსონმა განაცხადა, რომ მისთვის ეს რეგალია უდიდესი პატივია:

"მე არ შემიძლია დავასახელო იმაზე წმინდა პასუხისმგებლობა, ვიდრე სამშობლოს დაცვაა. ის, რომ ეს შეგეძლოს და ამავე დროს იყო მეთაური - ეს დაუჯერებელია".

აშშ-ს თავდაცვის მდივანმა ეშ კარტერმა განაცხადა, რომ რობინსონი 4 ვარსკვლავიანი გენერალია და ამ პოსტისთვის ყველაზე მეტად კვალიფიციური იყო:

"ის შეირჩა, რადგან ყველაზე კვალიფიციური კადრია. იმედი მაქვს, ის ღირსებები, რაც მას გააჩნია, სხვა ქალებისთვის ინსპირაცია იქნება, რომ ჩვენს შეიარაღებული ძალებს შემოუერთდნენ".

კარტერმა მარტში გაუწია რეკომენდაცია რობინსონს პრეზიდენტ ობამასთან. თავდაცვის მდივანი მას აღწერდა როგორც ძალიან კარგი გამოცდილების მქონეა, ძალიან კარგი მენეჯერული გამოცდილებით.