აუტისტ ლუკას, რომელიც სერვისების არარსებობის გამო ფსიქიატრიულში იყო, პერსონალურ დამხმარეს გამოუყოფენ
14 წლის აუტისტ ლუკას, რომელიც ფსიქიატრიულ საავადმყოფოში მხოლოდ იმიტომ გადაიყვანეს, რომ სახელმწიფოს შესაბამისი სერვისები არ აქვს, პერსონალურ დამხმარეებს გამოუყოფენ. შესაბამისი გადაწყვეტილება სასამართლომ ორგანიზაცია პარტნიორობა ადამიანის უფლებებისთვის (PHR) საჩივრის შემდეგ მიიღო.
დროებითი განჩინების საფუძველზე, მთავრობას დაევალა, ლუკას ორი პერსონალური დამხმარე გამოუყოს. დამხმარეები, რომელთა მომსახურებაც თერაპიასაც ითვალისწინებს, 12 საათის განმავლობაში იქნებიან მოზარდთან.
როგორც PHR-ის ხელმძღვანელმა და ლუკას ადვოკატმა, ანა აბაშიძემ On.ge-ს უთხრა, ლუკა აუტისტია გამომწვევი ქცევით, რომელსაც ყურადღება და განსაკუთრებული სერვისი სჭირდება, რასაც სახელმწიფო ვერ სთავაზობს. სწორედ ამიტომ, პერიოდულად, როცა მოზარდის ქცევა უმართავი ხდებოდა და დედა ვერ უმკლავდებოდა, სახელმწიფოსგან დახმარებას ითხოვდა. სახელმწიფომ კი ასეთი "გამოსავალი" იპოვა — ბავშვის ფსიქიატრიულ საავადმყოფოში გადაყვანა.
მორიგი შემთხვევა, როცა ლუკა ფსიქიატრიულ კლინიკაში გადაიყვანეს, 28 აგვისტოს იყო. როგორც ანა აბაშიძე ამბობს, მას სპეციალური თერაპიული სერვისი სჭირდება და არა დიდი ზომის ინსტიტუციაში გამოკეტვა. PHR-ის დახმარებით ლუკას დედამ სასამართლოში საჩივარი შეიტანა, რომლითაც მსგავსი საჭიროებების მქონე ბავშვებისთვის შესაბამის სერვისს ითხოვდა.
"როგორც კი ყველა მხარეს დასკვნა ჩაბარდება, სახელმწიფო ვალდებულია, ლუკას ორი პერსონალური დამხმარე გამოუყოს, დღეში 12 საათით, მანამ, სანამ არ შექმნის ლუკასთვის და მსგავს მდგომარეობაში მყოფი ბავშვებისთვის საჭირო სერვისს", — განმარტა ანა აბაშიძემ.
სასამართლოს გადაწყვეტილების შემდეგ, ლუკა უახლოეს პერიოდში ფსიქიატრიული საავადმყოფოს დატოვებს და ოჯახში დაბრუნდება.
"ლუკას მდგომარეობა წარმოადგენს შეზღუდული შესაძლებლობის მქონე ბავშვთა სტრუქტურული დისკრიმინაციის მაგალითს სახელმწიფოს მხრიდან. ვინაიდან ადეკვატური სარეაბილიტაციო სერვისების არქონა ლუკას არა მხოლოდ უზღუდავს საქართველოს კონსტიტუციით და UN CRPD-ით გარანტირებულ უფლებებს, არამედ საფრთხეს უქმნის მის სიცოცხლეს და უსაფრთხოებას, იწვევს მის იძულებით ინსტიტუციონალიზაციას და წარმოადგენს ბავშვის მიმართ არაჰუმანურ მოპყრობას", — აცხადებენ PHR-ში.
ორგანიზაციაში ასევე აღნიშნავენ, რომ ეს არის დღემდე უპრეცედენტო შემთხვევა და შეზღუდული შესაძლებლობის მქონე ბავშვისთვის მართლმსაჯულების ხელმისაწვდომობის, სიცოცხლის, უსაფრთხოების და თანასწორობის უფლების, თემში ცხოვრების შესაძლებლობის დაცვის მაგალითი. ორგანიზაციის განცხადებით, გააგრძელებენ სასამართლოს გზით ლუკას უფლებების დაცვას და ბრძოლას ადეკვატური სარეაბილიტაციო სერვისის შესაქმნელად.
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
-
გადახედვაქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად ქალს გულის მექანიკური ტუმბო და ღორის თირკმელი გადაუნერგეს — ისტორიაში პირველად
-
-
გადახედვა2023 წელს ემიგრანტების რიცხვი 95.6%-ით გაიზარდა — საქსტატი 2023 წელს ემიგრანტების რიცხვი 95.6%-ით გაიზარდა — საქსტატი
-
გადახედვამოქალაქის მიმართ იძულების ფაქტზე შსს-ს თანამშრომელი ამხილეს მოქალაქის მიმართ იძულების ფაქტზე შსს-ს თანამშრომელი ამხილეს
-
კომენტარები