რუსი პოლიტიკოსი ალექსეი ნავალნი რეაბილიტაციის ბოლომდე გერმანიაში დარჩება. ამის შესახებ მისმა პრესსპიკერმა, კირა იარმიშმა ისაუბრა.

"ახლა, ბუნებრივია, ალექსეის გამოჯანმრთელების პროცესი კიდევ დიდ დროს წაიღებს. ის ჯერ გერმანიაში რჩება, იქ რეაბილიტაციას გაივლის, ეს არაა რამდენიმე დღის ან კვირის ამბავი", — განაცხადა იარმიშმა.

22 სექტემბერს ნავალნი გამოწერეს სტაციონარიდან, სადაც ის 22 აგვისტოს შემდეგ მკურნალობდა. 7 სექტემბრამდე ის სამედიცინო კომაში იყო. გამოწერის შემდეგ ნავალნის განაცხადა, რომ ყოველდღიურად ფიზიოთერაპიას გაივლის და სარეაბილიტაციო ცენტრში დაწვება.

კირა იარმიშის თქმით, რეაბილიტაციის გავლის შემდეგ ნავალნი რუსეთში დაბრუნდება და სხვა ვარიანტიც არ განიხილება.

გერმანიის მთავრობის განცხადებით, ნავალნი "ნოვიჩოკის" ჯგუფის ნივთიერებით მოწამლე. იმავე დასკვნამდე მივიდნენ შვეიცარიისა და საფრანგეთის დამოუკიდებელი ლაბორატორიები.

თუმცა რუსეთის ხელისუფლება დაჟინებით ამტკიცებს, რომ რუსმა ექიმებმა ოპოზიციონერის სხეულში საწამლავის კვალი ვერ აღმოაჩინეს და სისხლის სამართლებრივი დევნის დაწყებისთვის საფუძველი არ არის.