ჯონ მაკკეინის ცოლმა, სინდი მაკკეინმა, საპრეზიდენტო არჩევნებში დემოკრატების კანდიდატს, ჯო ბაიდენს მხარდაჭერა გამოუცხადა. ამის შესახებ მან საკუთარ სოციალურ ქსელ twitter-ზე დაწერა.

"ჩემი ქმარი, ჯონი ცხოვრობდა ერთი პრინციპით: ქვეყანა უპირველეს ყოვლისა. დიახ, ჩვენ რესპუბლიკელები ვართ, მაგრამ უპირველეს ყოვლისა, ამერიკელები. ამ ბრძოლაში ერთადერთი კანდიდატია, რომელიც როგორც ჩვენი, როგორც ერის ღირებულებებისთვის იბრძვის და ეს ჯო ბაიდენია", — განაცხადა მაკკეინმა.

ფოტო: taiwannews.com

ჯონ მაკკეინს და ჯო ბაიდენს, მიუხედავად იმისა, რომ ერთ პარტიის წევრები არ იყვნენ, დიდი ხნის მეგობრობა აკავშირებდათ. ამერიკელი სენატორი ჯონ მაკკეინი 2018 წელს 81 წლის ასაკში გარდაიცვალა.