ალბათ ყველას გახსოვთ "ჭეშმარიტების პირი" რომაული არდადეგებიდან, რომელიც გრეგორი პეკის გმირის ხელს "ყლაპავს". ზუსტად 10 დღის წინ ასეთი საოცარი რამ თბილისი მოლშიც გამოჩნდა.

სინამდვილეში ეს ყველაფერი საახალწლო ცქრიალა ოინი იყო.

წარმოიდგინეთ: ჭეშმარიტების პირში ნაპოვნი დირიჟორის ჯოხი, დიდი ფარდის უკან შემალული 50-წევრიანი ორკესტრი და თავად ნიკოლოზ რაჭველი რიგითი მუსიკოსის როლში.

კომპანია ბადაგონში ამბობენ, რომ მათი სურვილი იყო, ყოველდღიურ რუტინაში ჩაფლული ადამიანები განსაკუთრებული დღესასწაულის მონაწილეებად ექციათ.

"ვფიქრობთ, მიზანს მივაღწიეთ - ეს საზეიმო განწყობა და საუცხოო ემოციების ნაკადი ცალსახად და თვალნათლივ გადმოსცემს ცქრიალა ღვინო მაესტროს, როგორც ბრენდის ხასიათს და მიზანს".

კამპანიაზე კრეატიულმა სააგენტო ლივინგსტონმა იმუშავა.

"გადავწყვიტეთ, მოულოდნელი სიურპრიზით გაგვემხიარულებინა თბილისი მოლის გამვლელები და მათ თავი ნამდვილ მაესტროებად ეგრძნოთ.

გავიხსენეთ ყველასთვის ნაცნობი ფრაზა ცქრიალა ღვინოზე - ვინც არ რისკავს, შამპანურსაც არ სვამს და გაბედულ გამვლელებს ნამდვილი დღესასწაული დავახვედრეთ",- აცხადებენ ლივინგსტონში.

იმ ადამიანებმა, რომლებმაც უკან არ დაიხიეს გამოწვევის წინაშე, "ჭეშმარიტების პირში" დირიჟორის ჯოხი აღმოაჩინეს. მაგრამ რა არის დირიჟორის ჯოხი ორკესტრის გარეშე?! კამპანიის შემქმნელებმა ამაზეც იზრუნეს და გაბედული მონაწილის განკარგულებაში მყოფი ორკესტრიც "გააჩინეს".

მაესტროობას დიდი გამბედაობა უნდა - გამბედაობა, რომელიც განსაკუთრებულ სტუმრებს აღმოაჩნდათ.

ვინც რისკავს, იმსახურებს დღესასწაულს!