სტრატეგია აღმაშენებლის ქალთა გუნდის ინიციტივით პოლიტიკოსი ქალები, მათი პარტიული კუთვნილებისა თუ პოლიტიკური შეხედულების მიუხედავად საერთო პრობლემის გარშემო გაერთიანდნენ და ადამიანის პირადი ცხოვრების ამსახველი კადრების უკანონო გადაღება, გავრცელება, დაშინება და შანტაჟი კიდევ ერთხელ დაგმეს. მათ მთავრობა უმოქმედობაში დაადანაშაულეს.

ამის დასტურად, სპეციალური დოკუმენტიც შეიმუშავეს. ინიციატივაში გაერთიანება ნებისმიერ მსურველს შეუძლია.

"დღეს ჩვენ პოლიტიკოსი ქალები, ჩვენი პარტიული კუთვნილების თუ პოლიტიკური შეხედულების მიუხედავად ვერთიანდებით და ვგმობთ პირადი ცხოვრების ამსახველი კადრების უკანონო გადაღებას, გავრცელებას და ამ კადრების გადაღებით ადამიანების მუქარასა და შანტაჟს. ძირითადად სწორედ ქალი პოლიტიკოსების მიმართ ხდება მსგავსი ქმედებების გამოყენება, იმისთვის რომ მათზე მოახდინონ გავლენა, განდევნონ ისინი პოლიტიკური თუ საზოგადოებრივად აქტიური ცხოვრებისგან", — განაცხადა
სტრატეგია აღმაშენებლის პოლიტსაბჭოს წევრმა თეონა ჭალიძემ და ყველა შესაბამის უწყებას უმკაცრესი რეაგირებისკენ მოუწოდა.