მარტო სახლში ზუსტად ის ფილმია, რომლის გარეშეც ახალი წელი უბრალოდ ვერ მოვა. 26 წლის წინ გადაღებული საახალწლო კომედია ყოველ ყურებაზე თავიდან გაგაღიმებთ, ბავშვობის მოგონებებს გაგახსენებთ და ახალ წელთან დაკავშირებულ სასიამოვნო შეგრძნებებს გაგიცოცხლებთ.

მაკკალისტერების დიდი ოჯახი საშობაოდ საზღვარგარეთ მიემგზავრება. გამგზავრების წინ არეულობაში მშობლებს ოჯახის ყველაზე პატარა წევრი კევინი ავიწყდებათ. შინ მარტო დარჩენილ ბიჭს ორ ზრდასრულ მძარცველთან გამკლავება უწევს და ვაღიაროთ, რომ ხშირ შემთხვევაში ამას წარმატებით ართმევს თავს.

ვლოგერმა ჯეიკ როპერმა წინასაახალწლოდ არაჩვეულებრივი ექსპერიმენტი შესთავაზა საკუთარ მაყურებელს - გადაურჩებოდნენ თუ არა რეალურად მძარცველები კევინის ოინებს.

როგორც ხედავთ, იმ შემთხვევაშიც კი, თუ მძარცველები ხაფანგებს ცოცხლად დააღწევდნენ თავს, ყველასათვის საყვარელი პატარა კევინი საბოლოოდ სასჯელს ვერ დაემალებოდა.