მოქმედი დეპუტატი, რევაზ არველაძე ქართული ოცნების საარჩევნო სიაში არ იქნება. TV პირველის მიერ გავრცელებული ინფორმაცია მან On.ge-ს დაუდასტურა. ტელეკომპანიის ცნობით, ქართული ოცნების საარჩევნო სიაში გუნდის 40-მდე წევრი ვერ მოხვდა, მათ შორის, პარლამენტის მოქმედი წევრები.

რევაზ არველაძემ On.ge-ს უთხრა, რომ ეს სიმართლეა და იგი საარჩევნო სიაში არ იქნება. დეპუტატის თქმით, ის პარტიაში რჩება.

ამასთან, TV პირველის ინფორმაციით, ქართული ოცნების სიის ხუთეულში იქნებიან გიორგი გახარია, არჩილ თალაკვაძე, თეა წულუკიანი, ირაკლი ღარიბაშვილი.

ოფიციალურად ქართული ოცნება სიის ოცეულს 10 სექტემბერს წარადგენს. საქართველოში საპარლამენტო არჩევნები 31 ოქტომბერს გაიმართება.