დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, მსოფლიოში ჩაკეტვების პოლიტიკა აღარ არის დღის წესრიგში. ამის შესახებ მან საკოორდინაციო საბჭოს შეხვედრის შემდეგ გამართულ ბრიფინგზე ისაუბრა.

"ზოგადად, ჩაკეტვების პოლიტიკა მთელ მსოფლიოში და, მათ შორის, ჩვენთან უკვე აღარ არის, თუ რაღაც განსაკუთრებული არ ხდება, დღის წესრიგში. პოლიტიკა მართვისა არის ე.წ. ბალანსირებული პოლიტიკა, ანუ სწრაფი იდენტიფიცირება და მართვა და ეკონომიკის აქტივობების გაძლიერება", — განაცხადა გამყრელიძემ.