შინაგან საქმეთა მინისტრმა გიორგი მღებრიშვილმა 22 დეკემბრის საგანგებოდ გამართულ ბრიფინგზე განაცხადა, რომ საქართველოსა და ევროპის პოლიციის სამსახურს შორის ოპერატიული და სტრატეგიული თანამშრომლობის შეთანხმების პროექტი დამტკიცდა. მინისტრის ცნობით, ამის შესახებ ევროპარლამენტმა პლენარულ სხდომაზე მიიღო გადაწყვეტილება.

პროცედურის თანახმად, ევროკავშირის საბჭო გასცემს უფლებამოსილებას ევროპოლის დირექტორზე, რომელიც მინისტრის ცნობითვე უახლოეს მომავალში საქართველოშიც ჩამოვა და ორივე მხარე ოფიციალურად მოაწერს ხელს ხელშეკრულებას:

შს მინისტრი განმარტავს, რომ შეთანხმების ძალაში შესვლის შემდეგ, საქართველო ევროპოლის ოპერატიული პარტნიორი ქვეყანა გახდება, რაც შესაძლებლობასმისცემს საქართველოს ითანამშრომლოს ევროპოლთან, უსაფრთხო არხის მეშვეობით გაცვალოს პერსონალური მონაცემები, ასევე, საქართველო მონაწილეობას მიიღებს ევროპოლის ერთობლივ საგამოძიებო ჯგუფებში:

"ეს ნიშნავს უფრო მეტ უსაფრთხოებას, უფრო მჭიდრო კომუნიკაციას ევროპის საპოლიციო უწყებებთან".