იომიაკონი რუსეთში მდებარეობს და მსოფლიოში ყველაზე ცივ დასახლებულ ადგილად ითვლება. სოფლის მცხოვრებლები ძირითადად საქონლისა და ცხენის ხორცით იკვებებიან, რადგან სურსათის მოყვანა მკაცრ კლიმატურ პირობებში შეუძლებელია. იმისთვის, რომ მანქანები ყინვის გამო არ დაზიანდეს, ადგილობრივები მთელი დღის განმავლობაში მართავენ ავტომობილებს.

თუ ფიქრობთ, რომ წელს ცივი და გაუსაძლისი ზამთარია, ეწვიეთ ამ სოფელს და გაიგებთ, რას ნიშნავს ნამდვილი სიცივე და ყინვა.

ფოტო: Rex features

იანვარში აქ სტაბილურად -50 გრადუსია, თუმცა ეს ყველაფერი არ არის. 1924 წელს ოიმიაკონში ყველაზე დაბალი ტემპერატურა, -72,2C დაფიქსირდა.

1920-1930 წლებში სოფელი ირმების მწყემსთა დასასვენებელი ადგილი იყო, დღეს კი აქ 500-ზე მეტი ადამიანი ცხოვრობს.

ფოტო: Rex features

სოფელში ერთადერთი სკოლა არსებობს, რომელიც მხოლოდ მაშინ იკეტება, თუ ტემპერატურა -52 გრადუსზე ქვემოთ ეცემა. მოსახლეობის ძირითადი საქმიანობა მეთევზეობა და მესაქონლეობაა.

უცნაურია, მაგრამ Oymyakon გაუყინავ წყალს ნიშნავს. ეს სახელი დასახლებასთან მდებარე ცხელ წყაროს უკავშირდება. მიუხედავად ასეთი მკაცრი კლიმატისა, ზაფხულში სოფელში დასვენებას უპრობლემოდ შეძლებთ, რადგან ტემპერატურა ხშირად 30 გრადუსსაც კი აღწევს.