ევროპული საქართველოს მაჟორიტარობის კანდიდატი ახალციხის, ბორჯომის, ადიგენისა და ასპინძის ოლქში, ზურაბ ჩილინგარაშვილი, ადიგენის რაიონის სოფელ დერცელს ესტუმრა და ადგილობრივების პრობლემები მოისმინა.

ზურაბ ჩილინგარაშვილმა საარჩევნო კამპანია ადიგენის რაიონის ყველაზე მაღალი სოფლიდან დაიწყო. მისი თქმით, ის პრობლემები, რომლებიც მოსახლეობამ წამოჭრა, მისთვის ნაცნობია და ევროპული საქართველოს პროგრამით, ეს პრობლემები არჩევნების დღიდან 100 დღეში გადაიჭრება. ზურაბ ჩილინგარაშვილმა აღნიშნა, რომ სწორედ ევროპული საქართველო იქნება კომპასი რომელიც მოიტანს გარდამტეხ ცვლილებებს და მოსახლეობას სწორ გზას აჩვენებს.

"საარჩევნო კამპანიის დასაწყისი, ადიგენის რაიონის ყველაზე მაღალი სოფლიდან — დერცელიდან. აღსანიშნავია, რომ მაცხოვრებლების მიერ წამოჭრილი პრობლემების უმრავლესობა, ევროპული საქართველოს პროგრამით პირველ 100 დღეში გადაიჭრება.

მოსახლეობა წუხს, რომ მოქმედი დეპუტატი ერთხელაც არ უნახავთ და დღევანდელი მთავრობა არ აქცევს ყურადღებას", — აცხადებს ზურაბ ჩილინგარაშვილი.