ამერიკის შეერთებული შტატების ელჩი საქართველოში, კელი დეგნანი თამარ ბაჩალიაშვილის საქმეში FBI-ს ჩართვასთან დაკავშირებით აცხადებს, რომ აშშ-ის გარეთ ბიუროს იურისდიქცია არ ვრცელდება, თუ საქმეში ამერიკის მოქალაქე არაა ჩართული, ან აშშ-ის ინტერესი არაა.

"ჩვენ მკაფიოდ ვთქვით, რომ FBI არის სამართალდამცავი ორგანიზაცია ამერიკის შეერთებულ შტატებში და მათი იურისდიქცია ვრცელდება ამერიკის შეერთებულ შტატებზე. რაც შეეხება მათ საქმიანობას ფარგლებს გარეთ, ეს ხდება მაშინ, როდესაც აშშ-ის მოქალაქეა საქმეში, ან აშშ-ის ინტერესია. სხვა მხრივ მათი იურისდიქცია საკმაოდ შეზღუდულია", — განაცხადა კელი დეგნანმა. (მთავარი არხის თარგმანი)

გარდაცვლილი თამარ ბაჩალიაშვილს ოჯახის ერთ-ერთი მთავარი მოთხოვნა საქმეში FBI-ს ჩართულობა იყო. დღეს, 4 სექტემბერს პროკურატურამ განაცხადა, რომ საქმის გამოძიებაში ამერიკის ფედერალური ბიურო არ ჩაერთვება, რადგან ეს მათი კომპეტენცია არ არის. პასუხად თამარ ბაჩალიაშვილის დედამ FBI-სთან მიმოწერის გასაჯაროება მოითხოვა.

გაიგე მეტი: