თბილისის რესპუბლიკურ საავადმყოფოში აცხადებენ, რომ იმ პირის ჯანრმთელობის მდგომარეობა, რომელიც ფილარმონიასთან აფეთქების შემდეგ მათთან გადაიყვანეს, დამაკმაყოფილებელია. როგორც მათ On.ge-ს განუცხადეს, პაციენტის სიცოცხლეს საფრთხე არ ემუქრება და ამ დროისათვის დამატებითი კვლევები უტარდება.

შემთხვევის დროს დაშავებული დანარჩენი ორი პაციენტი ხეჩინაშვილისა და ალადაშვილის სახელობის სამედიცინო დაწესებულებაში მკურნალობენ. ალადაშვილის კლინიკაში აცხადებენ, რომ მათთან შეყვანილი დაშავებულის მდგომარეობა მძიმეა და ის მართვით სუნთქვაზეა.

კლუბ დეჟავუში აფეთქება დღეს 4 სექტემბერს მოხდა. სასწრაფო სამედიცინო დახმარების პრესსამსახურის ინფორმაციით, შედეგად ერთი ადამიანი ადგილზევე გარდაიცვალა. საგანგებო სიტუაციების მართვის სამსახურის განცხადებით, პირველადი ინფორმაციით, მუშები აწარმოებდნენ სამუშაოებს და ჟანგბადის ბალონი აუფეთქდათ.