კორონავირუსის 28 ახალი შემთხვევიდან 12 დონას კლასტერიდანაა. ბოლო მონაცემებით, ჯამში, დონას კლასტერი 36 დადასტურებულ შემთხვევას ითვლის. ამის შესახებ ინფექციური საავადმყოფოს სამედიცინო დირექტორმა, მარიან ეზუგბაიამ ისაუბრა.

ეზუგბაიას თქმით, დარჩენილი 16 ახალი დადასტურებული შემთხვევა შემდეგნაირად ნაწილდება:

3 შემთხვევა დაავადებულ პაციენტთან კონტაქტია. 3 დადასტურებული შემთხვევა კი რუსთავის ავერსის კლინიკის თანამშრომელია. 2 შემთხვევა შემოტანილია, აქედან ერთი ავტომობილის მძღოლია. 4-ს აქვს მოგზაურობის ისტორია აჭარაში და იქ ეპიდ ზედამხედველობის კერაში გამოვლენილი პაციენტები არიან. დარჩენილ 4 პაციენტზე კი მიმდინარეობს ეპიდემილოგიური კვლევა, წყაროს დადგენისა და კონტაქტების მოძიების თვალსაზრისით.