საგარეჯოს რაიონის სოფელ დუზაგრამში ცოლ-ქმარზე ფიზიკურად იძალადეს და მოკვლით დაემუქრნენ. როგორც დაზარალებული TV პირველთან საუბრისას ამბობს, თავდამსხმელი სოფლის გამგებლის შვილია.

On.ge-სთან საუბრისას დუზაგრამის გამგებელი, მუხტარ ისმაილოვი ამბობს, რომ მისი შვილის მხრიდან განხორციელებულ სავარაუდო ძალადობაზე ინფორმაცია არ აქვს და ვერაფერს დაადასტურებს. გამგებელი ირწმუნება, რომ ინცინდენტის შესახებ პოლიციისგან გაიგო.

შსს-ს ცნობით, საქმეზე გამოძიება საქართველოს სისხლის სამართლის კოდექსის 151-ე მუხლით დაიწყო, რაც სიცოცხლის მოსპობის ან ჯანმრთელობის დაზიანების ანდა ქონების განადგურების მუქარას გულისხმობს.