ქართული ოცნების დეპუტატი სვეტლანა კუდბა აცხადებს, რომ სურვილი აქვს მმართველი გუნდის საარჩევნო სიაში იყოს, თუ ამის "ღირსი იქნება". ამის შესახებ მან TV პირველის კითხვის პასუხად განაცხადა.

"არ ვიცი, ჩემთვის უცნობია [ვიქნები თუ არა საარჩევნო სიაში]. ჯერ არ [მიმიღია შემოთავაზება]. თუ ვიქნები ღირსი, კი [მაქვს სურვილი სიაში ყოფნის]", — განაცხადა მან ჟურნალისტის კითხვის პასუხად.

ქართული ოცნების საარჩევნო შტაბის ხელმძღვანელის, ირაკლი კობახიძის განცხადებით, პარტიული სიის პირველ ოცეულს დაახლოებით ათ დღეში წარადგენენ. ამ ეტაპზე ცნობილია პარტიის მაჟორიტარი დეპუტატების სია.