სასწავლო წელი არ დაიწყება ისე, სანამ ინსპექტირების სამსახური ყველა საჯარო და კერძო სკოლას არ შეამოწმებს და შესაბამის რეკომენდაციებს არ გასცემს. ამის შესახებ განათლების, მეცნიერების, კულტურისა და სპორტის მინისტრის მოადგილემ, ეკატერინე დგებუაძემ ისაუბრა.

დგებუაძის თქმით, აღნიშნული შემოწმება 15 სექტემბრამდე დასრულდება. მანვე აღნიშნა, რომ 10 სექტემბრისთვის ყველა სკოლა შესაბამისი აღჭურვილობით იქნება უზრუნველყოფილი.

გარდა ამისა, მინისტრის მოადგილემ ისაუბრა იმაზეც, რომ აუცილებელია, 1-დან მე-4 კლასის ჩათვლით სასწავლო ცხრილის ისე ორგანიზება, რომ ყველამ იაროს სკოლაში. რაც შეეხება უშუალოდ სასწავლო დღის დაწყების დროს, საჭიროებებიდან გამომდინარე, სკოლებს შეუძლიათ, გრაფიკი ინდივიდუალურად შეიმუშაონ. თუ სკოლებს დასჭირდებათ, შეეძლებათ, შაბათის სასწავლო დღედ გამოყენება.

ამავე თემაზე:

თმის შეკვრა, ხელების ხშირი დაბანა და სხვა — რა წესები უნდა დაიცვან მოსწავლეებმა