ციმბირის აღმოსავლეთით მდებარე ქალაქ ირკუტსკში სააბაზანო ხსნარის დალევის შედეგად 49 ადამიანი დაიღუპა. ინფორმაციას ადგილობრივ სამართალდამცავებზე დაყრდნობით BBC ავრცელებს.

გამოძიების ინფორმაციით, კუნელის სურნელის სითხე მომხმარებლებმა იმიტომ შეიძინეს, რომ ის სპირტიან სასმელად ჩათვალეს. პოლიციას მაღაზიებიდან პროდუქტი გააქვს.

არიან მოწამლულებიც, ისინი საკმაოდ მძიმე მდგომარეობაში არიან.

გამომძიებლების თქმით, ბოთლზე იყო ნიშანი, რომ დაუშვებელი იყო სითხის გადაყლაპვა, რაც მომხმარებლებმა არ გაითვალისწინეს.

პროდუქტის სახელია ბოიერეშნიკი (Boyaryshnik), რომელიც აღმოჩნდა, რომ შეიცავს მეთანოლს. ქალაქში საგანგებო მდგომარეობა გამოცხადდა, პოლიციამ კი პროდუქტის მწარმოებლები დააპატიმრა.

რუსული მედიის ცნობით, დაღუპულები 35-დან 50 წლამდე ღარიბი ადამიანები იყვნენ და ისინი ცალ-ცალკე სვამდნენ.

ქვეყანაში ადამიანების ნაწილი საოჯახო საქმეებისთვის განკუთვნილ პროდუქტებს ალკოჰოლის იაფ ალტერნატივად მიიჩნევს.