სახელი SHARP ტექნიკის ყველა მოყვარულში, რომელიც ტექნიკის შეძენის დროს პირველ რიგში, ხარისხს და გამოცდილებას ეყრდნობა, ერთ განცდას იწვევს: ესაა ხარისხი, იაპონური ტექნოლოგიები და ინოვაცია.

1912 წელს დაარსებული იაპონური ბრენდი თავდაპირველად მექანიკურ ფანქრებს აწარმოებდა, საიდანაც მიიღო კიდეც სახელი "ბასრი". კომპანია წლებთან ერთად ვითარდებოდა და ტექნოლოგიის საუკუნეში მსოფლიოს იაპონიიდან პირველმა შესთავაზა რადიოები და ტელევიზორები. საბოლოოდ კი კომპანიამ მსოფლიოში სამართლიანად დაიმკვიდრა ტექნოლოგიური გიგანტის სახელი. დღეს საერთაშორისო ბაზარზე SHARP-ის ტექნიკა პრემიუმ-ხარისხს და იაპონურ ინოვაციას ნიშნავს.

"გულწრფელობა და შემოქმედება" იაპონური ბიზნესის კრედოა, ბრენდის, რომელიც 21-ე საუკუნის თანამედროვე ცხოვრების სტილს განსაზღვრავს. თანამედროვე ტექნოლოგიები და დახვეწილი დიზაინი ამ იაპონური ტექნიკის გიგანტის თითოეულ პროდუქტშია შერწყმული.

საქართველოში SHARP-ის ექსკლუზიური დისტრიბუტორი ტექნიკის მაღაზიათა ქსელი გრანდ ელექტრონიქსია.

SHARP გრანდ ელექტრონიქსის ფილიალებში რამდენიმე პროდუქტითაა წარმოდგენილი.

ვერტიკალურკამერიანი მაცივარი

პირველ რიგში, ესაა თანამედროვე დიზაინის მაცივარი, რომელსაც ყველა ის მახასიათებელი აქვს, რაც ასე საჭიროა თანამედროვე ცხოვრებისთვის.

დამოუკიდებელი ჰაერის მიწოდების სისტემის წყალობით მაცივარი მუშაობს "გაყინვის გარეშე" პრინციპით, რაც პროდუქტების მაქსიმალურად ცოცხლად და დიდხანს შენახვისთვისაა საჭირო. მაცივარში თაროები შიგნით და კარზე ისეა განლაგებული, რომ პროდუქტები ერთმანეთისგან დამოუკიდებლად იდოს. საყინულე განყოფილება, რომელიც გვერდითაა ჩაშენებული უზრუნველყოფს, რომ რაც შეიძლება მეტი პროდუქტი დაიტიოს და, რაც მთავარია, დიდი ხნით. ასე, ხორცეული და თევზეული ერთმანეთისაგან განცალკევებით ინახება. და ბოლოს, ინტეგრირებული წყლის დისპენსერი იდეალური გადაწყვეტაა ზაფხულის ცხელ დღეებში და არა მხოლოდ!

ჭურჭლის სარეცხი მანქანა

ამ კონკრეტული მოდელის მთავარ ღირსებას "ჭკვიანი ტექნოლოგია" წარმოადგენს. გარდა იმისა, რომ მოწყობილობის მართვა მობილური ტელეფონითაც არის შესაძლებელი, მანქანას შეუძლია "ამოიცნო" ჭურჭლის ტიპი და მისი დასვრის ხარისხი. საკმარისია "სტარტის" ღილაკს შეეხო, რომ ჭკვიანი ტექნიკა თავად არჩევს რეცხვის კონკრეტულ რეჟიმს. მანქანა A++ მოდელია, რაც იმას ნიშნავს, რომ ის ენერგოეფექტურია, მაქსიმალურად ზოგავს ენერგორესურსებს და, შესაბამისად, კომუნალურ ხარჯებსაც ამცირებს.

ჰაერის გამწმენდი

ჰაერის გამწმენდი არამხოლოდ მათ სჭირდებათ, ვისაც ოჯახში პატარა ბავშვები ჰყავს. იგი განკუთვნილია მათთვის, ვისთვისაც მნიშვნელოვანია მშვიდი ძილი და ჯანსაღი ორგანიზმი. Plasmacluster ტექნოლოგია ანადგურებს ვირუსებსა და მიკრობებს ჰაერში, ახდენს იონიზაციას; HEPA ფილტრი კი მტვერსა და სხვა ალერგიულ ნაწილაკებს აგროვებს. მოწყობილობას გააჩნია აგრეთვე დეზოდორაციის ფუნქციაც, რას ოთახში მთელი დღის განმავლობაში სასიამოვნო სურნელს უზრუნველყოფს. ტაიმერით შესაძლებელია ავტომატური ჩართვა/გამორთვა/გადატვირთვის ფუნქციების გამოყენებაც.

თითოეულ პროდუქტს SHARP-ის ექსკლუზიური პარტნიორის, გრანდ ელექტრონიქსის ტექნიკის მაღაზიათა ქსელში შეიძენთ.