"ქართულმა ოცნებამ არცერთი ადამიანი, არც გამტაცებლები, არც მკვლელები არ შეიყვანა თავის დროზე, დემონსტრაციულად, ოთხოზორია-ტატუნაშვილის სიაში, ამრიგად დღეს ასეთი ქმედებების ჩადენის ფასი არის ძალიან დაბალი", — ასე ეხმაურება ევროპული საქართველოს ლიდერი სერგი კაპანაძე ცხინვალის იზოლატორში კაცის მკვლელობას და საქართველოს მოქალაქეების გატაცებას. სერგი კაპანაძის განცხადებით, ეს არის არანორმალური ვითარებაა.

"იმ სიაში [ოთხოზორია-ტატუნაშვილის სია], რომელიც შეიქმნა ჩვენი მოთხოვნით, რათა ასეთი ადამიანები ყოფილიყვნენ დასჯილები და ამ ადამიანების მიმართ სანქციები დაწესებულიყო. ამას ხელისუფლება არ აკეთებს, ამრიგად ბუნებრივია, რომ გამტაცებლების, დამკავებლების და ასეთი ქმედებების ჩადენის ფასი არის ძალიან დაბალი და შესაბამისად, ამიტომ არის რომ გრძელდება ჩვენი მოქალაქეების გატაცება, წამება და მათ მიმართ ცუდი მოპყრობა და ეს არის შესაცვლელი პირველ რიგში, — განაცხადა სერგი კაპანაძემ.

ოკუპირებული ცხინვალში ერთი პირი მილიციაში დაკითხვის დროს ცემით მოკლეს. ის დე ფაქტო შინაგან საქმეთა მინისტრის მანქანისთვის ცეცხლის გახსნის ბრალდებით იყო დაკავებული. დე ფაქტო პრეზიდენტმა ბიბილოვმა, ე.წ. შს მინისტრი გადააყენა. ცხინვალში საპროტესტო აქციები იმართება, რომელზეც დე ფაქტო გენერალური პროკურორის გადადგომასაც ითხოვენ.