პარლამენტის თავმჯდომარე, არჩილ თალაკვაძე, აცხადებს, რომ ყოფილ პრეზიდენტს, მიხეილ სააკაშვილის შეუძლია ჩამოვიდეს, თუმცა მას "რეფორმირებული მართლმსაჯულება დახვდება".

"ყოველი არჩევნების წინ სააკაშვილი გამოდის და თავის შემცირებულ მხარდამჭერებს ეუბნება, რომ ის დაბრუნდება. ჰამოვიდეს, არ არის პრობლემა", — განაცხადა პარლამენტის თავმჯდომარემ.

ექსპრეზიდენტმა, მიხეილ სააკაშვილმა წინასაარჩევნოდ ფეისბუქზე ვიდეომიმართვა გაავრცელა, სადაც ის ქართველებს ჩამოსვლას ჰპირდება და ბოდიშს უხდის. ვიდეომიმართვა ქართულმა ოცნებამ საკუთარ ფეისბუქგვერდზე გააზიარა წარწერით "Miha hamodiii". ქართული ოცნების ირონიულ პოსტს ევროპული საქართველო გამოეხმაურა და დაწერა: "თუ ამ წრეზე ტრიალი მოგბეზრდა, გამოსავალი ევროპული კოალიციაა." გამოწვევას მალევე გირჩის ლიდერი, ზურა ჯაფარიძეც შეუერთდა წარწერით — "shesha ar ari".