მიხეილ სააკაშვილის ვიდეომიმართვამ ფეისბუქზე ახალ "პოლიტიკურ გამოწვევას" დაუდო სათავე. ქართული ოცნების ირონიულ პოსტს, რომელშიც სააკაშვილის საქართველოში ჩამოსვლის შესახებ დაპირებას "Miha Hamodii"-თ უპასუხეს, ევროპული საქართველო გამოეხმაურა და დაწერა: "თუ ამ წრეზე ტრიალი მოგბეზრდა, გამოსავალი ევროპული კოალიციაა."

ექსპრეზიდენტმა, მიხეილ სააკაშვილმა ვიდეომიმართვა გაავრცელა, რომელშიც საქართველოს მოსახლეობას "ძალიან მძიმე შეცდომების" გამო ბოდიში მოუხადა. ის ისევ დაპირდა ამომრჩეველს დაბრუნებას, თუმცა წინა დაპირებებისგან განსხვავებით, არ დააკონკრეტა როდის.

"Miha hamodiii" — ასე გამოეხმაურა მმართველი გუნდი სააკაშვილს. პოსტი ქართული ოცნების ოფიციალურ ფეისბუქგვერდზე გამოქვეყნდა.