Netflix-მა ორი სეზონის შემდეგ სერიალი Altered Carbon გააუქმა, რითაც სტრიმინგ სერვისის კიდევ ერთი მაღალბიუჯეტიანი ადაპტაცია დასრულდა.

Deadline-ს ცნობით, სერიალის გაუქმება ჯერ კიდევ აპრილში გადაწყდა კომპანიის ჩვეულებრივი "დანახარჯი/შემოსავალი" მიზეზების გამო, რაც ნიშნავს, რომ Altered Carbon-ის ბედი COVID-19-ის პანდემიასთან არ არის დაკავშირებული.

მიუხედავად ამისა, სერიალის გაუქმების ფაქტი მოულოდნელი არ იყო. შოუს დებიუტი 2018 წელს შედგა და ის წიგნების პოპულარულ სერიაზე დაფუძნებული გამბედავი, ზრდასრულ აუდიტორიაზე გათვლილი სამეცნიერო ფანტასტიკა იყო ძალიან მაღალი ბიუჯეტით (პირველი სეზონის ვარსკვლავმა ჯოელ კინამანმა თქვა, რომ მას "უფრო მაღალი ბიუჯეტი ჰქონდა, ვიდრე Game of Thrones-ის პირველ სამ სეზონს"), დიდი ბრძოლის სცენებითა და კიდევ უფრო დიდი ფილოსოფიური პრობლემებით იმის შესახებ, თუ რას ნიშნავს, იყო ადამიანი.

სამწუხაროდ, სერიალმა საშუალო შეფასება დაიმსახურა და მართალია, ის საკმარისად წარმატებული აღმოჩნდა მეორე სეზონის გასაგრძელებლად (რომელიც წელს გამოვიდა), სერიალს მეორე სეზონისთვის აშკარად უფრო ნაკლები ბიუჯეტი ჰქონდა — ნაკლები ეპიზოდი და ნაკლებად თვალშისაცემი ეფექტები — და გამოხმაურებაც ასეთივე იყო. ერთი სიტყვით, Altered Carbon-ისგან შემდეგი Game of Thrones არ გამოდიოდა, ამიტომაც ნეტფლიქსმა მასზე HBO-ს დონის თანხების ხარჯვა შეწყვიტა.