23 აგვისტოს ღამეს საწყობიდან 20 ტომარა ძაღლის საჭმელი მოიპარეს, რომელიც მიუსაფარი ცხოველებისთვის იყო განკუთვნილი. ამის შესახებ ინფორმაცია, ნინია მაჭარაშვილმა და ქეთა გაბუნიამ გაავრცელეს, რომლებიც მოხალისეობრივად აგროვებენ საჭმელს ცხოველებისთვის.

"ჯერჯერობით არ მიმიმართავს, რადგან არ ვარ თბილისში, თუმცა დიდი იმედი არ მაქვს გამოძიების, რადგან საწყობი ისეთ ადგილზეა, რომ ირგვლივ არანაირი კამერა არაა. სავარაუდოდ ვიღაცამ, ვინც იცოდა რომ აქ ინახებოდა ეს საკვები, გაბოროტდა",— განაცხადა ნინია მაჭარაშვილმა On.ge-სთან საუბრის დროს.

მისივე თქმით, მალევე თორნიკე ელიზბარაშვილმა თავშესაფარს საჩუქრად 50 ტომარა საჭმელი გადასცა.