"გადასარჩენი გახარიას არაფერი არ სჭირს", — ასე ეხმაურება ვიცე-პრემიერი მაია ცქიტიშვილი პრემიერმინსიტრ გიორგი გახარიასა და პროკურატურის განცახდებაზე ოპოზიციის შეფასებებს. ოპოციზიაში ფიქრობენ, რომ პროკურატურის განცხადება იმის შესახებ, რომ მამუკა ხაზარაძისადმი მუქარის წერილზე გახარიას ანაბეჭდები არ იყო, პრემიერის "გათეთრებისა" და გადარჩენის მცდელობაა.

ცქიტიშვილის თქმით, პროკურატურის დასკვნა არა არჩევნების წინ, არამედ მაშინ გამოქვეყნდა, როცა საგამოძიებო მოქმედებები დასრულდა.

"ამ წერილს არანაირი კავშირი არ ჰქონდა არც მაშინ ბატონ გახარიასთან და რაც ნადვილად მინდა კომენტარის სახით გავაკეთო, გადასარჩენი გახარიას არაფერი არ სჭირს", — განაცხადა მან.

უწყებაში ამბობენ, რომ დაქტილოსკოპიური ექსპერტიზის შედეგებით დადგინდა, რომ ბადრი ჯაფარიძისა და მამუკა ხაზარაძისთვის გაგზავნილ მუქარის წერილის დედანზე გიორგი გახარიას თითის ანაბეჭდები არ აღმოჩნდა. პროკურატურის ცნობით, წერილის დედანზე ექსპერტიზა სამხარაულის სასამართლო ექსპერტიზის ეროვნულმა ბიურომ ჩაატარა. ექსპერტიზისთვის წერილის გადაცემამდე კი, მამუკა ხაზარაძემ წერილის დედანი საკვლევად ბრიტანულ კერძო კომპანიას გადაუგზავნა.

პროკურატურის ინფორმაციით, ბრიტანული კომპანიისა და სამხარაულის ექსპერტიზის ბიუროს დასკვნები ერთმანეთს ემთხვევა.

ფოტო: პროკურატურა

გიორგი გახარიასგან სავარაუდოდ მუქარის წერილის მიღების შესახებ თიბისი ბანკის დამფუძნებელმა, მამუკა ხაზარაძემ გასული წლის 4 მარტს პარლამენტში გამოსვლის დროს ისაუბრა. წერილთან დაკავშირებით პროკურატურამ მამუკა ხაზარაძე სასამართლოში გამოკითხა.