რა სიმღერებსაც არ უნდა ვუსმენდეთ მთელი წლის განმავლობაში, წინასაახალწლოდ ყველაფერი იცვლება და ნელ-ნელა მათ საშობაო მელოდიები ანაცვლებს. ჩვენ გთავაზობთ 10 სიმღერას, რომელთა მოსმენაც ამაღლებულ განწყობაზე დაგაყენებთ.

10. Charles Brown - Bringing In A Brand New Year

ჩარლზ ბრაუნის ლეგენდარული ხმა და სიმღერა ერთ-ერთია იმ საახალწლო სიმღერებიდან, რომელსაც დღემდე უამრავი ადამიანი უსმენს. 1961 წელს გამოშვებული სიმღერა სხვადასხვა დროს იყო გამოყენებული საახალწლო რეკლამებისთვის, ანონსებისთვისა თუ შოუებისთვის.

9. Abba - Happy New Year

აბას გარეშე ახალი წლის სიმღერების კრებული ვის წარმოუდგენია, აბა?! ამ სიმღერას საახალწლო სიმღერებს შორის უკვე დამკვიდრებული აქვს საპატიო ადგილი.

8. Wham - Last Christmas

წინასაახალწლოდ ამ სიმღერას ერთხელ მაინც რომ არ მოუსმინოთ, ახალი წელი საერთოდ არ დადგება. თქვენი ნებით რომ არ ჩართოთ, მაინც ვერ აცდებით. ის ყველგანაა - კაფეებში, რესტორნებში, სწრაფი კვების ობიექტებში, ტაქსიში, მეგობრის სახლში, ტელევიზორში. აბსოლუტურად ყველგან.

7. Mariah Carey - All I want for Christmas

მნიშვნელობა არ აქვს, მერაია ქერი მოგწონთ თუ არა - ახალი წელი იმდენად ჯადოსნურია, რომ თქვენს მუსიკალურ გემოვნებას საერთოდ არ აქცევს ყურადღებას. ეს სიმღერა საახალწლო ოცნებებსა და სურვილებზე მოგვითხრობს, რომელიც უკლებლივ ყველა ადამიანს აქვს.

6. Chris Rea - Driving home for Christmas

კრის რეას კიდევ ერთი ლეგენდარული სიმღერა, რომელიც რთულია არ გიყვარდეს. უფროსი თაობის ადამიანები ამბობენ, რომ ამ სიმღერას საუკეთესოდ შეუძლია სასიამოვნო მოგონებების გაცოცხლება. ვცადოთ ჩვენც, რატომაც არა?

5. Dean Martin - Let it Snow !

თბილისში თოვლი ჯერ არ მოსულა, მაგრამ ეს სიმღერა მაინც ერთ-ერთი საუკეთესოა. იქნებ ხშირად თუ ვიღიღინებთ, მოთოვოს საახალწლოდ?

4. Frank Sinatra - Have Yourself a Merry Little Christmas

ახალ წელს წითელი ღვინო, ნაძვის ხე, მეგობრები და ფრენკ სინატრა უხდება.

3. Coldplay - Christmas Lights

ეს სიმღერა 2010 წელს გამოვიდა და მას შემდეგ წინასაახალწლოდ ყოველთვის აქტუალური ხდება. კრის მარტინისა და მისი ჯგუფის ეს სიმღერა განსაკუთრებით ახალგაზრდებს უყვართ.

2. Train - Shake up Christmas

Train-ის ამ სიმღერას Youtube-ზე 60 მილიონზე მეტი ნახვა აქვს დაგროვებული და მისი დახმარებით კარგი განწყობის შექმნა მართლაც ადვილია.

1. John Lennon - Happy Christmas

ამ სიმღერას განსაკუთრებული წარდგენა არ სჭირდება. სავარაუდოდ, წინასაახალწლოდ უკეთესს ვერაფერს მოუსმენთ.