"მე ვაპირებ, რომ გავხდე ამ ქვეყნის პრემიერმინისტრი", — ასე ეხმიანება სტრატეგია აღმაშენებელის ლიდერი, გიორგი ვაშაძე, ევროპული საქართველოს ერთ-ერთი ლიდერის, დავით ბაქრაძის განცხადებას, სადაც იგი ამბობს, რომ კოალიციური მთავრობის შემთხვევაში, მიხეილ სააკაშვილი, ზურაბ ადეიშვილი და ვანო მერაბიშვილი მინისტრთა კაბინეტში არ იქნებიან.

"მე ვხედავ კოალიციურ მთავრობას ყველა პროდასავლურ ძალასთან, პერსონების განხილვა ნამდვილად არ ყოფილა. ეს პირველი და მეორე, რომ ეს ხალხის გადასაწყვეტია აბსოლუტურად ყველაფერი. მე ვაპირებ, რომ გავხდე ამ ქვეყნის პრემიერმინისტრი და ყველაზე მაგარი პროფესიონალები იყვნენ მინისტრებიც, მინისტრთა კაბინეტშიც და ყველა მოვიზიდოთ საქართველოში", — აცხადებს ვაშაძე.

დავით ბაქრაძემ, ღამის კურიერში ჟურნალისტის კითხვას — იმ შემთხვევაში, თუ ნაციონალური მოძრაობა სიაში ჩაწერს სააკაშვილს, ადეიშვილსა და მერაბიშვილის, მისაღები იქნება თუ არა ევროპული საქართველოსთვის ასეთ მინისტრთა კაბინეტში ინტეგრირება, უპასუხა, რომ სააკაშვილი, მერაბიშვილი, ადეიშვილი არ იქნებიან მინისტრთა კაბინეტში, მათ შორის არც პრემიერმინისტრად.