American Horror Story-ის მსახიობი სარა პოლსონი კვლავ გაერთიანდა რაიან მერფისთან Netflix-ის ახალი სერიალისთვის Ratched. სტრიმინგის სერვისმა ჯერ კიდევ 2017 წელს დააანონსა სერიალის ორი სეზონი, თუმცა მერფის მოუცლელობის გამო პროექტი აქამდე არ განხორციელებულა.

პირველი სეზონის პრემიერა 18 სექტემბერს შედგება და Netflix-მა მაყურებელი სერიალის რამდენიმე ფოტოთი გაანებივრა. ფოტოებზე ჩანან პოლსონი და მისი კოლეგები შერონ სტოუნი, სინტია ნიქსონი, ჩარლი კარვერი, ლიზ ფემი, სოფი ოკონედო, ჯონ ჯონ ბრაიონსი და მრავალი სხვა.

ფოტო: Netflix

8-ეპიზოდიანი სერიალი დაფუძნებულია წიგნის გუგულის ბუდეზე სხვა გადაფრინდა (One Flew Over the Cuckoo's Nest) პერსონაჟზე მედდა მილდრედ რეჩედზე, რომლის როლსაც სარა პოლსონი შეასრულებს.

სერიალში 1947 წელია და მედდა რეჩედი ჩრდილოეთ კალიფორნიის ფსიქიატრიულ საავადმყოფოში იწყებს მუშაობს, რომელიც თავის რეზიდენტებზე ახალ და შემაშფოთებელ ექსპერიმენტებს ატარებს.

ფოტო: Netflix

ფოტო: Netflix

მართალია, მედდა რეჩედი საკუთარ თავს ყველაზე საყვარელ პიროვნებად წარმოგვიდგენს, მაგრამ მალევე ვნახავთ, რომ ეს აბსოლუტური სიცრუეა.

"უკან დასახევი გზა არასდროს არსებობს. მედდა რეჩედი ნელ-ნელა აღწევს მენტალური ჯანმრთელობის სისტემაში და მასში მყოფებში. მისი მომხიბლავი გარეგნობა ეწინააღმდეგება იმ მზარდ სიბნელეს, უკვე დიდი ხანია რომ ღვივის მასში, და გვიმხელს, რომ ჭეშმარიტი ურჩხულები არ იბადებიან, ისინი იქმნებიან", — წერია სერიალის მიმოხილვაში.

ფოტო: Netflix

ფოტო: Netflix

ფოტო: Netflix

პოლსონი American Horror Story-ის მე-9 სეზონიდან გამოაკლდა, თუმცა, საბედნიეროდ, ის დაბრუნდება როგორც სერიალის მე-10 სეზონში, ისე რაიან მერფის სხვა შოუში Impeachment: American Crime Story.

კიდევ უფრო აღმაფრთოვანებელი ისაა, რომ AHS-ის მე-10 სეზონში ჯერჯერობით უცნობ როლში მაკოლეი კალკინიც გამოჩნდება.