ოკუპირებული ცხინვალის დე ფაქტო ხელისუფლებამ რუსეთთან ე.წ. საზღვრის გადაკვეთაზე დაწესებული შეზღუდვები 1 სექტემბრამდე გაახანგრძლივა. არსებული აკრძალვა 31 ივლისამდე მოქმედებდა.

დე ფაქტო პრეზიდენტ ანატოლი ბიბილოვის განცხადებით, გადაწყვეტილება მიღებულია, რათა არ დაუშვან "სამხრეთ ოსეთის ტერიტორიაზე კორონავირუსის გავრცელება".

ცხინვალის დე ფაქტო ხელისუფლების მტკიცებით, რეგიონში კორონავირუსის 89 შემთხვევაა დადასტურებული. მათივე თქმით, ინფიცირებულთა აბსოლუტური უმრავლესობა რუსეთიდან დაბრუნებული პირია.