უკრაინაში, დონბასის რეგიონში კიევის დროით 27 ივლისს, 00:01 საათზე ცეცხლის შეწყვეტის ახალი რეჟიმი ამოქმედდა. შეთანხმების მიღწევა მინსკის სამშვიდობო მოლაპარაკების ფორმატში, სამმხრივი საკონტრაქტო ჯგუფის, ეუთოს, კიევისა და მოსკოვის მუშაობის შედეგად გახდა შესაძლებელი.

ურაინული მედიის ინფორმაციით, შეთანხმების ამოქმედებამდე უკრაინის პრეზიდენტ ვლადიმერ ზელენსკისა და რუსეთის პრეზიდენტ ვლადიმერ პუტიუნს შორის სატელოფონო საუბარი შედგა. მათივე ინფორმაციით, ეს პრეზიდენტების პირველი საუბარია ბოლო ხუთი თვის განმავლობაში.

ცეცხლის შეწყვეტის შეთანხმება მოიცავს ისეთ პუნქტებს, როგორიცაა ნებისმიერი სახის საჰაერო ტექნიკის გამოყენების აკრძალვა, დასახლებულ ადგილებსა და მის მიმდებარე ტერიტორიაზე იარაღის გამოყენების აკრძალვა და სხვა.

უკრაინაში ოპოზიცია და ექსპერტები ე.წ. სიჩუმის რეჟიმს სკეპტიკურად უყურებენ და მიიჩნევენ, რომ რუსეთი შეთანხმებას დაარღვევს.

შეთანხმების შესრულებიაზე მონიტორინგს კონტროლსა და კოორდინაცის ერთობლივი ცენტრი განახორციელებს. რეგიონში უკვე გაგზავნეს სამხედროები, რომლებსაც სამშვიდობო მისიებში მონაწილეობის გამოცდილება აქვთ.

უკრაინის აღმოსავლეთით შეიარაღებული კონფლიქტი 2014 წელს ყირიმის ანექსიისა და მაიდნის აქციების შემდეგ დაიწყო. კიევი და დასავლეთი მოსკოვს სეპარატისტების მხარდაჭერაში ადანაშაულებს.