გენერალურმა პროკურატურამ წალენჯიხის პოლიციის უფროსის წინააღმდეგ გამოძიება დაიწყო. უწყების განცხადებით, საქმე ეხება სენაკი-ზუგდიდის ავტომაგისტრალზე გუშინ მომხდარ ავტოსაგზაო შემთხვევას, რომლის დროსაც ქვეითად მოსიარულე 85 წლის ქალი დაშავდა.

მათი ინფორმაციით, დაშავებული სასწრაფო დახმარების ეკიპაჟმა ზუგდიდის რეფერალურ საავადმყოფოში გადაიყვანა.

გენერალური პროკურატურა გამოძიებას ტრანსპორტის მოძრაობის უსაფრთხოების ან ექსპლუატაციის წესის დარღვევის მუხლით აწარმოებს. ამ დრომდე უცნობია შეუჩერდა თუ არა უფლებამოსილება წალენჯიხის პოლიციის უფროსს, უწყებაში ამ კითხვას არ პასუხობენ.