მაგნიტით სისხლის გაწმენდა ისე ჟღერს, რომ არასანდო ინტერნეტ რესურსებზე დაწერილი სტატიები გაგახსენდებათ, რომლებშიც მოგვითხრობენ, რომ რომელიმე ქვით ან მეტალით სასიკვდილო დაავადებების განკურნებაა შესაძლებელი. პირველ შთაბეჭდილებას ნუ ენდობით, მაგნიტით მართლაც შეიძლება ჯანმრთელობის გაუმჯობესება. ეს პრაქტიკა ჰარვარდისა და ადოლფ მერკლის ინსტიტუტის მეცნიერებმა შეიმუშავეს და უკვე წარმატებითაც გამოსცადეს.

სისხლის გაწმენდის ეს მეთოდი ანტისხეულების რკინის ნაწილაკებით "შეფუთვას" გულისხმობს.
სისხლში შეშვების შემდეგ ანტისხეულები დანიშნულებისამებრ იქცევიან და ბაქტერიებს ეკრობიან. ამის შემდეგ კი, დიალიზის მანქანის და მაგნიტების საშუალებით, ბაქტერიების სისხლიდან გამოდევნა იწყება. რამდენადაც მარტივია, იმდენად გენიალური მიგნებაა.

მეთოდს მხოლოდ ერთი ნაკლი აქვს: რკინის ნაწილაკებით შეფუთული ანტისხეულები ბაქტერიის ყოველი სახეობისთვის სათითაოდ უნდა შეიქმნას. თუმცა, ეს ნაკლი იმდენად უმნიშვნელოა, რომ ეს აღმოჩენა მედიცინის ცალსახა წარმატებად შეგვიძლია ჩავთვალოთ.