ეკონიმიკის მინისტრის, ნათია თურნავას თქმით, თბილისი-ბერლინი-თბილისის მიმართულებით ე.წ. სოციალური ჩარტერი დაემატა. თურნავას განცხადებით, ამის შესახებ გადაწყვეტილება მთავრობამ 2 დღის წინ მიიღო.

როგორც თურნავამ თქვა, აღნიშნული რეისით შეუძლიათ იმ სტუდენტებმაც ისარგებლონ, რომელთაც გერმანიაში საზაფხულო დასაქმების კონტრაქტები აქვთ.

"ვინაიდან ეს არის სუბსიდირებადი ფრენა და ბილეთები და ადგილები შეზღუდულია, მოვუწოდებ სტუდენტებს, დროულად მიმართონ ახალგაზრდულ საქმეთა დეპარტამენტს, რომელიც მთავრობის კანცელარიის ფარგლებშია შექმნილი და აუცილებლად წარადგინონ ის დასაქმების კონტრაქტები, რომ დაზღვეული იყვნენ და ჰქონდეთ ამ ბორდზე ადგილი", — განაცხადა თურნავამ.

როგორც ცნობილია, სტუდენტებს, რომლებიც გერმანიაში საზაფხული დასაქმებას აპირებდნენ, პანდემიის გამო პრობლემები შეექმნათ. ისინი მთავრობას მიმართავდნენ თხოვნით, რომ მათ გერმანიაში სამუშაოდ წასვლა შეძლებოდათ.