როგორც ჩანს, იტალიელ რეჟისორს ლუკა გუადანინოს განსაკუთრებულად აინტერესებს თინეიჯერების ყოველდღიური ცხოვრება და მათი ურთიერთობა ერთმანეთთან თუ სამყაროსთან: სულ მალე მის ახალ სერიალს ვიხილავთ, რომელიც სწორედ მოზარდების შესახებ მოგვითხრობს.

We Are Who We Are — ასე ჰქვია ახალ სერიალს, რომელიც ლუკა გუადანინოს პირველი სატელევიზიო პროექტი იქნება. რეჟისორმა ეს სატელევიზიო შოუ HBO-სთვის გადაიღო.

ამ პროექტის ხილვას სატელევიზიო შოუების მოყვარულები განსაკუთრებულად ელიან და სულ ცოტა ხნის HBO-მ პირველი კადრები გაავრცელა და დააანონსა, რომ პრემიერა ამ წლის სექტემბერში შედგება.

We Are Who We Are ორი ამერიკელი მოზარდის შესახებ მოგვითხრობს, რომლებიც იტალიაში აშშ-ს სამხედრო ბაზაზე ცხოვრობენ. სწორედ მაშინ იწყება მათი მოულოდნელობებით სავსე თავგადასავალი, რომელიც მეგობრობის, პირველი სიყვარულისა და იდენტობის აღმოჩენაში დაეხმარებათ.

სერიალში ძირითადად ნაკლებად ცნობილი ახალგაზრდა მსახიობები იღებენ მონაწილეობას, მათ შორის არიან მარტინ სკორსეზეს შვილი ფრანჩესკა სკორსეზე და ცნობილი მომღერალი Kid Cudi.

გასულ წელს HBO-მ თინეიჯერული თემატიკით სატელევიზიო შოუ Euphoria გამოუშვა, რომელიც არაერთმა კრიტიკოსმა და მაყურებელმა ამ ჟანრის ერთ-ერთ საუკეთესო პროექტად აღიარა. შესაბამისად, წინასწარ შეგვიძლია ვივარაუდოთ, რომ არც ლუკა გუადანინოსთან თანამშრომლობით გაგვიცრუებენ იმედებს.

ფოტო: YANNIS DRAKOULIDIS/HBO

ფოტო: YANNIS DRAKOULIDIS/HBO

ფოტო: YANNIS DRAKOULIDIS/HBO

ფოტო: YANNIS DRAKOULIDIS/HBO

ფოტო: YANNIS DRAKOULIDIS/HBO

ფოტო: HBO

ფოტო: We Are Who We Are

შეგახსენებთ, რომ ეს ერთადერთი ახალი პროექტი არ იყო, რომელზეც ლუკა გუადანინო მუშაობდა: ის ამავდროულად საკულტო ფილმ Scarface-ის მიხედვით ახალ ფილმს გადაიღებს და ერთგულ მაყურებლებს 2017 წელს გამოსული დრამატული სასიყვარულო ისტორიის Call Me by Your Name-ის გაგრძელებას შესთავაზებს, სადაც კვლავ ტიმოთი შალამე და არმი ჰამერი ითამაშებენ.