შინაგან საქმეთა სამინისტრომ გაასაჯაროვა გიორგი შაქარაშვილის მკვლელობის საქმის მოწმის, იაკობ ბრეგვაძის მიერ 112-ში განხორციელებული ზარის ჩანაწერი.

სატელეფონო ჩანაწერში ისმის, რომ ბრეგვაძე 112-ის ოპერატორს ინციდენტის შესახებ აცნობს და მალე მისვლას თხოვს. ოპერატორი მისამართის დაზუსტებას ცდილობს, ბრეგვაძე კი დროის დაჩქარებას ითხოვს და ოპერატორს ეუბნება, რომ ტელეფონის ლოკაციით სცადონ მისი ადგილსამყოფელის მიგნება. ამავდროულად, ის განმარტავს, რომ მანქანით მისული თავდამსხმელები შეიარაღებული იყვნენ რკინებით და ჯოხებით, რის გამოც ითხოვს, რომ დახმარება მალე მივიდეს.

ბრეგაძე: მალე მოდით, შეიძლება მანქანით რომ არიან წავიდნენ და მალე მოდით რა. დაშავებულებიც იქნებიან.

დასაზუსტებლად ბრეგვაძე ოპერატორს ეუბნება, რომ დაწესებულება "ქებაბ ჰაუსთან" იმყოფება და კიდევ ერთხელ სთავაზობს ლოკაციით მიგნებას. ჩანაწერიდან რთული გასარკვევია დაახლოებით რამდენ ხანში ხდება ეს, მაგრამ ბრეგვაძეს ოპერატორი უკავშირდება და ისევ მისამართის დაზუსტებას ცდილობს. მისი თქმით, "ქებაბ ჰაუსი" ვერ იპოვა. ამ დროს ბრეგვაძე ოპერატორს უხსნის, რომ არაგვის ხიდის მიმდებარედ იმყოფება და აცხადებს, რომ საპატრულო პოლიცია უკვე დაუკავშირდა.

ბრეგაძე: პოლიციამ დამირეკა და მითხრა რომ კაიო და რავიცი აბა, მოვა რო? არ ვიცი, ტიპები არიან არაგვის ხიდზე, რომლებიც არიან იდეაში დამნაშავეები, იმიტომ, რომ მანქანიდან გადმოვიდნენ და დაგვაყარეს ასე რომ ვთქვათ.

ამ საუბრისას ოპერატორი ამბობს, რომ გამოძახება სასწრაფოსაც გადასცა, რა დროსაც ბრეგაძე კითხულობს, თუ როდის გააკეთა ეს და გამოძახების გაუქმებას ითხოვს.

ბრეგვაძე: ერთი წუთით, ეხლა გადაეცით?

112-ის ოპერატორი: არა ბატონო, გადაცემული არის ეს გამოძახება, უბრალოდ, ვერ აგნებდნენ ამ ტერიტორიას. "ქებაბ ჰაუსი" არ არის ასეთი მცხეთაში, როგორც ამბობენ. ზუსტი ლოკაცია გვინდოდა.

ბრეგვაძე: ერთი წუთით, შეგიძლიათ გააუქმოთ გამოძახება?

112-ის ოპერატორი: აღარ არის ჩხუბი?

ბრეგაძე: ანუ, აღარაა. მორჩა ყველაფერი, დაიშალა ყველა, წავიდნენ და რაღა აზრი აქვს ახლა რომ მოხვიდეთ, მარტო მე დამიჭერთ თუ რას იზამთ?

ამ საუბრის შემდეგ ოპერატორი განუმარტავს ბრეგვაძეს რომ არ დაიჭერენ, ამბობს, რომ გამოძახებას გააუქმებს, მაგრამ უსაფრთხოების მიზნით, კიდევ ერთხელ ითხოვს ლოკაციის დაზუსტებას. პასუხად ბრეგვაძე ამბობს: "უბრალოდ გააუქმოთ შეგიძლიათ? გააუქმეთ".

უცნობია რამდენი ხნის შემდეგ, მაგრამ შსს-ს ინფორმაციით, ამის შემდეგ საპატრულო პოლიცია პოულობს ბრეგვაძეს, რომელიც ავტოსტოპით ცდილობდა თბილისში წასვლას, მას რამდენიმე კითხვა დაუსვა და თბილისში წაიყვანა. შს მინისტრის მოადგილე, ვლადიმერ ბორცვაძე ამტკიცებს, რომ სამინისტროს საზოგადოებასთან ურთიერთობის დეპარტამენტის დირექტორს, ნინო გიორგობიანს. რომელიც ბრეგაძის ნათესავია შკოდას ფორმის ავტომობილი მის წასაყვანად არ გაუგზავნია.

შს მინისტრის მოადგილის, ვლადიმერ ბოცვაძის თქმით, გენერალური ინსპექციის გასარკვევია, თუ რა ჰკითხეს პატრულის თანამშრომლებმა ბრეგაძეს შემთხვევის ადგილიდან წაყვანისას.

რაც შეეხება გავრცელებულ ვიდეოკადრებს შკოდას ტიპის ავტომობილთან დაკავშირებით, ბორცვაძის თქმით, გამოძიებით დადგენილია, რომ იმ კადრებში რეალურად ჩანს ტოიტა პრიუსის ავტომობილი და არის ტაქსი:

"დადგენილია ტაქსის მძღოლი, დაკითხულია და ფაქტი დასტურდება".

ამასთან, მინისტრის მოადგილე აცხადებს, რომ გელაშვილი, რომელიც თითქოსდა გიორგობიანმა ნათესავის წამოსაყვანად მანქანით გაგზავნა, იმ ღამით მორიგე არ იყო და ქარელში იმყოფებოდა.

შინაგან საქმეთა სამინისტრო განმარტებით, შაქარაშვილის საქმეზე გამოძიება უწყვეტ რეჟიმში გრძელდება და ამ დროისთვის 450-მდე საგამოძიებო და 400-მდე საპროცესო მოქმედებაა ჩატარებული.

ამავე თემაზე: