კარანტინში ბავშვები მოიწამლნენ — სამი შვილის დედა თვითიზოლაციაში გადაყვანას ითხოვს
ვერა მურღულია სამ შვილთან — 8 წლის ტყუპებთან და 12 წლის გოგოსთან, ასევე, დედასთან და ძმასთან ერთად საფრანგეთიდან საქარველოში 4 ივლისს მანქანით ჩამოვიდა. იგი თვითიზოლაციაში გადაყვანას ითხოვს, რადგან კარანტინში ბავშვებისთვის შესაფერისი სივრცე არაა. ამასთან, ორი ბავშვი მოიწამლა და საავადმყოფოში გადაყვანა მოუწიათ.
ჩამოსვლამდე თვითმფრინავის ბილეთები ოთხჯერ იყიდეს, თუმცა ყველა ჯერზე რეისი გაუქმდა. ბოლოს, ფრენა პირველი ივლისისთვის ჰქონდათ დაგეგმილი, თუმცა საქართველომ საზღვრების გახსნა აგვისტოსთვის გადადო. ოჯახს ამ დროს უკვე თავიანთი ინიციატივით ჰქონდა გაკეთებული PCR ტესტი, რომელიც უარყოფითი იყო.
საბოლოოდ, საქართველოში მანქანით წამოვიდნენ. ოთხი დღის განმავლობაში გზაში იყვნენ, თუმცა ჰქონდათ მოლოდინი, რომ უკვე გაკეთებული ტესტის გამო კარანტინში არ გაუშვებდნენ.
"უკვე ტესტი გაკეთებული გვქონდა, როცა AirFrance-მა ფრენის გაუქმების შესახებ შეგვატყობინა. ჩვენც ვიფიქრეთ, რომ თუკი ჩვენ წამოვიდოდით მანქანით და ტესტი გვექნებოდა, კარანტინში არ გადავეყვანეთ და თვითიზოლაციაში ვიქნებოდით", — ყვება მურღულია On.ge-სთან.
საქართველოში შემოსვლის შემდეგ, მანქანა ჩამოართვეს. საზღვარზე რიგში რამდენიმე საათი იდგნენ და საბოლოოდ ხალხით სავსე ავტობუსით კარანტინში გადაიყვანეს:
"ვთხოვეთ, რომ სასტუმრომდე მაინც მივსულიყავით ჩვენი მანქანით. უკვე მანქანაში ვიყავით, ოთხი დღე ვიმგზავრეთ. არაფრით არ დაგვრთეს ნება, საკუთარი მანქანით რომ გამოვყოლოდით ავტობუსს".
ვერა მურღულია თავის შვილებთან ერთად სასტუმროს მესამე სართულზე მოათავსეს, ხოლო მისი დედა და ძმა — მეთორმეტეზე და ერთმანეთის ნახვის საშუალება არ აქვთ.
"მე შემომთავაზეს, ერთ ოთხსაწოლიან ოთახს მოგცემთ ან ორს ერთმანეთში გამავალსო. მე გამავალი ავირჩიე, რადგან უფრო დიდი სივრცეა. ოთახს არ ვუჩივი, მაგრამ კონდიციონერს არ რთავენ, ალბათ, კორონავირუსის გამო და შუადღეს მზე რომ აჭერს, ძალიან ცხელა".
ბავშვებისთვის შეუფერებელი პირობების გამო, ვერა თვითიზოლაციაში გადაყვანას ითხოვს. მათ მდგომარეობას ამძიმებს ისიც, რომ ტყუპები მოიწამლნენ. დილის ხუთი საათიდან ბავშვები ცუდად იყვნენ.
"მიმღებში დავრეკე, ბავშვები ავად არიან და რა ვქნა-მეთქი და კაი, ვნახავთ რამესო, ექიმს ვკითხავთო. გავიდა დრო, შუადღის საჭმელი მოგვიტანეს და კიდევ არაფერი იყო. კიდევ გადავრეკე, ბავშვები ძალიან ცუდად არიან-მეთქი, ცხელი მეჩვენებოდნენ, კუჭი ჰქონდათ აშლილი და აღებინებდნენ. ტილოც არ მქონდა ოთახში, რომ მომეწმინდა. მომცეს შემდეგ ექიმის მობილურის ნომერი. ექიმმა ტემპერატურა რამდენი აქვთო და არ ვიცი-მეთქი, ვინ მოგზაურობს თერმომეტრით. რას ჰქვია თერმომეტრი არ გაქვთ, ამოატანინეთო. ამოვატანინე თერმომეტრი, ბავშვს სიცხე ჰქონდა 37,7 გრადუსი. ექიმმა გამოაგზავნინა სასწრაფო და გადაგვიყვანეს ბათუმის ინფექციურში", — ამბობს მურღულია.
ვერა ტყუპებთან ერთად საავადმყოფოში გადაიყვანეს, მისი 12 წლის შვილი კი ვერას დედასთან, მეთორმეტე სართულზე აიყვანეს. არადა, მანამდე მისი ნახვის საშუალებას არ აძლევდნენ.
საავადმყოფოში მისვლისთანავე ტესტირება ჩაუტარეს, რომელიც ისევ უარყოფითი იყო. ბავშვებს ორჯერ გაუკეთეს გადასხმა და იმ ღამით კლინიკაში დატოვეს. მეორე დღეს კი ისევ კარანტინში დააბრუნეს. რა გახდა ბავშვების მოწამვლის მიზეზი არ იცის, თუმცა აღნიშნავს, რომ სასტუმროს საჭმლისა და ბოთლის წყლის გარდა ისინი სხვა არაფერს ჭამენ.
მიუხედავად იმისა, რომ ორ ტესტზე აქვთ უარყოფითი პასუხი და არც თვითიზოლაციის პრობლემა შეექმნებათ, რადგან თბილისში მშობლებს სამი სახლი აქვთ, კვლავ კარანტინში ტოვებენ.
"პრობლემა იმაშია, რომ ჯანდაცვის სამინისტრო მეილზეც და დარეკვაზეც სტანდარტულ პასუხს გვცემს, რასაც ყველას ეუბნებიან. არ ითვალისწინებენ არც იმ ფაქტს, რომ 3 ბავშვით ვარ და არც იმას, რომ კორონავირუსის ტესტები გაკეთებული გვაქვს, სხვებისგან განსხვავებით", — ამბობს მურღულია.
თვითიზოლაციაზე მოთხოვნა კარანტინში გადაყვანის შემდეგ გააკეთა, რადგან არ იცოდა, რომ მანამდე უნდა შეევსო.
"აქ ყველა მეუბნება, რომ თვითიზოლაციაში გადაყვანის მოთხოვნის განხილვას საშუალოდ ორი კვირა უნდებიან. ორ კვირაში ისედაც გავა ჩვენი კარანტინი. [...] არავინ ყურს არ იპარტყუნებს, რომ დააჩქარონ ჩვენი თვითიზოლაციაში გადაყვანა. საერთოდ რა ლოგიკას ექვემდებარება, არ ვიცი. ვის აწყობს, ვინ ერთობა ამ საქმით ან რატომ, არ ვიცი. ჩვენი აქ ყოფნა ბიუჯეტს გარკვეული თანხა ხომ უჯდება?!".
ვერა მურღულია უკმაყოფილოა კარანტინის პირობებითაც. როგორც ამბობს, სასტუმროში ინტერნეტი არ იჭერს, საკვებს კი ვერც თვითონ და ვერც ბავშვები ვერ ჭამენ. ვერც დასვრილ ტანსაცმელს რეცხავს.
"არც ცოცხი გვაქვს, არც ტილო. სამი ბავშვით ვარ, დავაგროვეთ დიდი მთა ჭუჭყიანი ტანსაცმლის. რა უნდა ვუყო, არ ვიცი. ისეთი პატარა ხელსაბანია, რომ ამაში რა უნდა გავრეცხო... ბავშვები იძახიან, ასე რომ გვცოდნოდა, ნეტავ დავრჩენილიყავით საფრანგეთშიო. და ყველაზე ცუდი ისაა, რომ სასტუმროს აივნიდან ვხედავთ აუზს, ზღვას, სადაც ბავშვები ბანაობენ და ჩემებს არ აქვთ გასვლის საშუალება. ფსიქოლოგიურად ვერ ხვდებიან, რატომ არ გვიშვებენ", — ამბობს იგი.
როგორც ჩანს, ბავშვებთან ერთად კარანტინში ყოფნის პრობლემა არაერთ მშობელს შეექმნა. თვითზიოლაციაში შვილთან ერთად გადასვლას მოითხოვს უფლებადამცველი ანა არგანაშვილი. იგი ამბობს, რომ კარანტინი ბავშვებისთვის შესაფერისი სივრცე არ არის და ვერც საჭირო კვებას იღებენ. არგანაშვილმა სასამართლოს უკვე მიმართა.
ბავშვების თვითიზოლაციაში მოთავსების კრიტერიუმები გაუგებარია ქალთა მოძრაობისთვის. როგორც მათ მიერ გავრცელებულ განცხადებაშია აღნიშნული, კარანტინში განთავსებამდე არ ხდება ბავშვებთან ან მათ მშობლებთან გასაუბრება და მათი საჭიროებების შეფასება, შესაბამისად, გადაწყვეტილება არ არის ორიენტირებული.
"ბევრ ბავშვს დახურულ და პატარა სივრცეში ეწყება ფსიქოლოგიური პრობლემები, რომელიც გამოხატულია დეპრესიული ფონით, შფოთვებით, გაღიზიანებადობით; ეს თავის მხრივ ამძიმებს მშობლების ფსიქოლოგიურ მდგომარეობასაც", — ნათქვამია 6 ივლისის განცხადებაში.
არასრულწლოვნების კარანტინში მოთავსებას ბრიფინგის დროს გამოეხმაურა პრემიერმინისტრის სპიკერი, ირაკლი ჩიქოვანი. როგორც მან განაცხადა, სახელმწიფოს მხრიდან მიღებულია ზომები, რომ ოჯახები ადეკვატურ ფართებში განთავსდნენ.
ჩიქოვანის თქმით, საკოორდინაციო საბჭოს მიერ ოპერაციულ შტაბს დაევალა, რომ არასრულწლოვნების კარანტინში განთავსებასთან დაკავშირებით დამატებითი რეკომენდაციები შემუშავდეს. დეტალებზე მას არ უსაუბრია.
ამავე თემაზე:
-
გადახედვაატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს ატაკამის უდაბნოს მიწისქვეშ, 4 მეტრ სიღრმეში, მიკრობული სიცოცხლე აღმოაჩინეს
-
გადახედვამეცნიერებმა ალმასი სულ რაღაც 150 წუთში შექმნეს მეცნიერებმა ალმასი სულ რაღაც 150 წუთში შექმნეს
-
გადახედვაLIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა LIO with ILA — ქართული მუსიკალური პროექტი, რომლის სიმღერა პროტესტის ჰიმნად იქცა
-
გადახედვა126 სამოქალაქო და მედიაორგანიზაცია ხელისუფლებასთან თანამშრომლობას წყვეტს 126 სამოქალაქო და მედიაორგანიზაცია ხელისუფლებასთან თანამშრომლობას წყვეტს
-
გადახედვაკროსვორდი: გამოიცანი ევროპის ქალაქი ღირშესანიშნაობით კროსვორდი: გამოიცანი ევროპის ქალაქი ღირშესანიშნაობით
-
-
-
გადახედვაჰაბლის მონაცემებში 1000-ზე მეტი ახალი ასტეროიდი აღმოაჩინეს ჰაბლის მონაცემებში 1000-ზე მეტი ახალი ასტეროიდი აღმოაჩინეს
-
გადახედვაშსს-მ დააკავა პირი, რომელმაც გარდაბანში თანასოფლელი მოკლა შსს-მ დააკავა პირი, რომელმაც გარდაბანში თანასოფლელი მოკლა
-
გადახედვამანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა მანჯგალაძე: მინდა იცოდეს ყველამ, ვინც აპირებს 29 აპრილის აქციაზე მისვლას, ეს არ არის უბრალოდ თბილისში გასეირნება, ეს არის ღალატში თანამონაწილეობა
-
გადახედვასანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო სანქციები ივანიშვილს და უვიზო რეჟიმის პუნქტების გადახედვა — ევროპარლამენტმა საქართველოზე რეზოლუცია შესწორებებით მიიღო
-
გადახედვანიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს ნიკა გვარამია : სრული კატასტროფა — რუსული კანონის გამო, ევროპარლამენტი საქართველოსთან უვიზო მიმოსვლის გადახედვას ითხოვს
-
გადახედვა"ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს "ლგბტ პროპაგანდის ამკრძალავი" კანონის გამო, რუსეთში პაზოლინის ბიოგრაფიულ წიგნის ნაწილს ცენზურა დაადეს
-
გადახედვაჯო ბაიდენმა TikTok-ის აკრძალვის კანონპროექტს ხელი მოაწერა ჯო ბაიდენმა TikTok-ის აკრძალვის კანონპროექტს ხელი მოაწერა
-
გადახედვატროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან ტროლები და ბოტები: როგორ გამოვააშკარაოთ ყალბი პროფილები — ინტერვიუ ანი ქისტაურთან
-
გადახედვავენეციაში შესასვლელად €5 უნდა გადაიხადოთ ვენეციაში შესასვლელად €5 უნდა გადაიხადოთ
-
გადახედვადააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს დააკავეს საქართველოს 4 მოქალაქე, რომლებმაც ევროკავშირის ქვეყნების ბიბლიოთეკებიდან ძვირადღირებული წიგნები მოიპარეს
-
გადახედვაორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე ორბანი მიიჩნევს, რომ კობახიძე პოლიტიკაში დიდი მოჭადრაკეა, მას გროსმაისტერის უნარები აქვს — რა თქვეს ლიდერებმა უნგრეთში, კონფერენციაზე
-
-
გადახედვარამ გამოიწვია ათენის ცის გასაოცარი მოწითალო შეფერილობა რამ გამოიწვია ათენის ცის გასაოცარი მოწითალო შეფერილობა
-
გადახედვაემა სტოუნს უნდა, თავისი ნამდვილი სახელი დავუძახოთ ემა სტოუნს უნდა, თავისი ნამდვილი სახელი დავუძახოთ
კომენტარები