აშშ-ის დამოუკიდებლობის დღის აღსანიშნად ხვალ, 4 ივლისს თბილისის ანძა ამერიკის დროშის ფერებში განათდება და მთაწმინდიდან ფეიერვერკებს გაუშვებენ. ინფორმაცია ამის შესახებ აშშ-ის საელჩომ გაავრცელა.

"რთული წარმოსადგენია აშშ-ის დამოუკიდებლობის დღე ფეიერვერკების გარეშე, ეს ორასზე მეტი წლის ტრადიციაა. ხვალ 4 ივლისია და ჩვენი დამოუკიდებლობის 244-ე წლისთავის აღსანიშნავად 22:00 საათზე მთაწმინდის პარკიდან ფეიერვერკებს გავუშვებთ", — წერია განცხადებაში.