პროდიუსერ კრისტოფერ მილერის თქმით, Spider-Man: Into the Spider-Verse 2 უკვე ადგას იმ გზას, რომ პირველ ფილმს აჯობოს.

პირველმა ანიმაციამ Spider-Man: Into the Spider-Verse მაყურებლები განაცვიფრა თავისი მულტისამყაროს მაქინაციებითა და გასაოცარი ვიზუალით და მას შემდეგ, რაც მეორე ფილმზე დაიწყო მუშაობა, ფანებს აინტერესებთ, ზუსტად როგორ მოახერხებს სიქველი ასეთი ბრწყინვალე დებიუტის ღირსეულად გაგრძელებას.

იმის გათვალისწინებით, თუ როგორი ნოვატორული ტაქტიკები გამოიყენეს პირველი Spider-Verse-ის შექმნისას — კომპიუტერულად გენერირებული სურათებისა და ხელით დახატული ანიმაციის შერწყმით მიღებული სრულიად უნიკალური მთლიანობა — გასაკვირი არაა, რომ ანიმატორებს სიქველისთვის კიდევ უფრო მეტად უნდათ ხარისხის გაუმჯობესება.

"Spider-Verse-ის შემდეგი ფილმისთვის შემუშავებული ახალი ინოვაციური სამხატვრო ტექნიკები უკვე მაოცებს. ამასთან შედარებით პირველი ფილმი ძველმოდური მოგეჩვენებათ" — დაწერა მილერმა ტვიტერზე.

ამბიციურ პირველ ნაწილს გამორჩეული სიღრმე და დეტალურობა გააჩნდა, რამაც საბოლოოდ რაღაც მოძრავი კომიქსის მსგავსი შექმნა, იმის გაფიქრება კი, რომ Spider-Verse 2-ს თვით მილერიც ასე დადებითად აფასებს, ნამდვილად აღმაფრთოვანებელია!

ფოტო: Sony Pictures Animation

ამჟამად მეორე ნაწილის დეტალები უცნობია, თუმცა ფანებს მაინც აინტერესებთ, ადამიანი-ობობას რომელ ალტერნატიულ ვერსიებს ვიხილავთ გაგრძელებაში. კრის მილერისა და მისი კოლეგა პროდიუსერის, ფილიპ ლორდის, თქმით, პროექტის ნაწილი ძალიან ბევრი სხვა ადამიანი-ობობა შეიძლება გახდეს. "კარგი შეკითხვაა, რომელიც აქამდე არასდროს დაუსვამთ, თუმცა კარგი პასუხი არ გვაქვს. უფრო ისე ვართ, 'ვაჰ, ახლა ამხელა თავგადასავალში უნდა გადავეშვათ'", — თქვა ლორდმა.

პირველმა Spider-Man: Into the Spider-Verse-მა მაყურებლებს წარუდგინა საერთო მულტისამყარო, რომელსაც "Spider-Verse" ეწოდება და რომელშიც მაილს მორალესი ხდება ახალი ადამიანი-ობობა და უერთდება განსხვავებული განზომილებებიდან გადმოსულ სხვა ადამიან-ობობებს, რათა ერთიანად დაიცვან ნიუ-იორკი კინგპინისგან.

Spider-Man: Into the Spider-Verse 2-ის კინოთეატრებში გამოსვლა 2022 წლის 7 ოქტომბრისთვის იგეგმება.