Amazon Go ახალი ტექნოლოგიაა, რომელიც სალაროსთან რიგში დგომას დაგავიწყებთ.

ახლო მომავალში, როცა ეს ტექნოლოგია დაინერგება, თქვენ შეგეძლებათ ტელეფონში ჩატვირთოთ შესაბამისი აპლიკაცია, მაღაზიაში შესვლისას QR კოდით დააფიქსიროთ შესვლა და დაიწყოთ პროდუქტების არჩევა.

როგორც კი თაროდან რამეს აიღებთ, ხელოვნური ინტელექტი აღნიშნულ ნივთს თქვენს ვირტუალურ კალათაში დაამატებს - თუ გადაიფიქრებთ და უკან დადებთ, ამოშლის. ყველა ნივთი აპლიკაციაში იქნება დაფიქსირებული და გასვლისას მათი ჯამური ღირებულება ავტომატურად ჩამოგეჭრებათ.

ამაზონი ამ გამოგონებას "Just Walk Out Technology"-ს უწოდებს.

Amazon Go-ს დანერგვა 2017 წლიდან დაიწყება და როგორც ვიდეოში ხედავთ, ტექნოლოგია მთლიანად შეცვლის საცალო ვაჭრობის დინამიკასა და მომხმარებლის ქცევის წესს.