შინაგან საქმეთა სამინისტროს ინფორმაციით, გორში პოლიციელი მოკლეს. ინსპექტორ-გამომძიებლის მკვლელობის ბრალდებით უცხო ქვეყნის მოქალაქეა დაკავებული, რომელიც გარდაცვლილისგან ბინას ქირაობდა.

უწყების განცხადებით, მდგმურმა პოლიციელს მისსავსე საცხოვრებელ სახლში ცივი იარაღით მიაყენა ჭრილობა და ადგილიდან მიიმალა. დაჭრილი საავადმყოფოში მიყვანამდე გარდაიცვალა.

გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 7-დან 15 წლამდე ვადით თავისუფლების აღკვეთას ითვალისწინებს.