პანდემია დიდი ეკონომიკური გამოწვევაა მსოფლიოსთვის. ხოლო ისეთი ქვეყნებისთვის, როგორიც საქართველოა, ამ გამოწვევებთან გამკლავება კიდევ უფრო დიდ ძალისხმევას მოითხოვს.

დიდი ბიზნესის წარმომადგენლები მანევრირებას უკეთესად ახერხებენ, თუმცა მცირე და საშუალო ბიზნესები დახურვის რისკის ქვეშ აღმოჩნდნენ. On.ge-მ გადაწყვიტა, მცირე და საშუალო ბიზნესებს მხარში დადგომოდა და მათთვის სიმბოლურ ფასად სარეკლამო სტატიები და ქვიზები დაემზადებინა.

ინიციატივის ფარგლებში გასული თვე-ნახევრის განმავლობაში 40-მდე კომპანიას დავუდექით მხარში, მათ შორის არიან:

  • რესტორნები
  • კაფეები თბილისსა თუ ქუთაისში
  • სასწავლო დაწესებულებები
  • კომპანიები, რომლებიც ქმნიან სამკაულებს
  • ონლაინ მაღაზიები, რომელთაც კარანტინის პერიოდში საქმიანობა შეუჩერდათ
  • სილამაზის სალონები
  • ავიაბილეთების კომპანიები
  • მცირე სტარტაპები, რომლებიც სხვადასხვა პროდუქტსა და მომსახურებას აწვდიან მომხმარებლებს.
  • სოციალური საწარმო და სხვა.

პროცესი ჟურნალისტებისთვისაც სახალისო აღმოჩნდა. გამოქვეყნებულმა სტატიებმა და ქვიზებმა კი მკითხველის დაინტერესება გამოიწვია და ათასობით ნახვა დააგროვა, რაც მცირე ბიზნესებს ცნობადობის გაზრდასა და მომხმარებლების ხელახლა მოზიდვაში დაეხმარა.

იხილეთ პროექტის განმავლობაში შექმნილი რჩეული სტატიები და ქვიზები:

იმედი გვაქვს, ჩვენი მცდელობა კომპანიებს ეკონომიკურ გამოწვევასთან გამკლავებასა და ფეხზე მყარად დადგომაში დაეხმარა.

On.ge მცირე და საშუალო ბიზნესებთან სამომავლო თანამშრომლობისთვისაც მზად არის და მათ მიერ შემოთავაზებულ ინიციატივებს აქტიურად დაუჭერს მხარს.