თვითიზოლაციის შეზღუდვები მსუბუქდება, ზაფხული მოვიდა და გარეთ გასასვლელად ისევ ვემზადებით. გვსურს, ისევ მოდურად გამოვიყურებოდეთ, საკუთარი თავი გამოვხატოთ და შთაბეჭდილება მოვახდინოთ. ამაში დახმარებას ქართული ბრენდი, კალეისი გვთავაზობს.

ეს მინიმალისტური სტილის ვერცხლის აქსესუარები სათქმელს თქვენს ნაცვლად იტყვის.

კალეისი ბალტიისპირულ მითოლოგიაში ღვთიურ მჭედელს ნიშნავს. "ვფიქრობთ სახელი პირდაპირ კავშირშია ჩვენს საქმესთან", — ამბობენ ბრენდის დამაარსებლები და დასძენენ, რომ ბრენდირება თვეების განმავლობაში გრძელდებოდა.

კალეისი 2018 წლის ოქტომბერში შეიქმნა და მას შემდეგ, მომხმარებელს ხელმისაწვდომ ფასად სთავაზობს მაღალი ხარისხის ვერცხლის სამკაულს და აქსესუარს. კალეისს ისინი ირჩევენ, ვინც უპირატესობას ანიჭებენ სადა, დახვეწილ, მინიმალისტურ სტილს. მისი მომხმარებლები 18-50 წლამდე ქალები და 20-35 წლამდე კაცები არიან.

აქსესუარების გარდა, ბრენდი ზარდახშის სახით ხის პატარა ბრენდირებულ ყუთებსაც გთავაზობთ.

"ბედნიერება დეტალებშია, ბედნიერ დეტალებს კი კალეისის ყუთში იპოვით".

ბრენდის შემქმნელები გვიყვებიან, რომ კორონავირუსის გავრცელებას გართულებები მოჰყვა, შეჩერდა წარმოება და აეკრძალათ მიტანის სერვისი. თუმცა კალეისს ადაპტაციისთვის ძალიან ცოტა დრო დასჭირდა —ფასდაკლებით ყიდდნენ მხოლოდ მარაგში არსებულ შეკვეთებს და მიტანის თარიღად რეგულაციის სავარაუდო მოხსნის თარიღს უთითებდნენ:

"როგორც ვივარაუდეთ, ეს აზრი ყველას მოეწონა და გაყიდვებმა სულ მცირედით დაიკლო. ამჟამად თითქმის სრულიად მოვახერხეთ სამუშაოს აღდგენა, ველოდებით კიდევ პატარა დეტალების გამოსწორებას".

როგორც იცით, მიტანის სერვისი უკვე აღდგა, პირველი ივნისიდან კი ყველა სახის ღია მაღაზია, მათ შორის, მოლები იხსნება. კიდევ ერთი კარგი ამბავი ისაა, რომ კალეისმა ახალ კოლექციაზე მუშაობა უკვე დაასრულა.

აქსესუარები ამ ეტაპზე არამხოლოდ ონლაინ იყიდება — მათი დათვალიერება და შეძენა პეკინის #19-ში მდებარე მაღაზიაში "კაბა" და ფალიაშვილის #80-ში, მაღაზიაში "ქართული მოდის ლაბი" შეგიძლიათ.

სტატია მომზადებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.