ეკონომიკის მინისტრის, ნათია თურნავას თქმით, დიდი ალბათობით, 6 ივლისიდან სასტუმროებში ტრენინგების და კონფერენციების ჩატარება დაშვებული იქნება. მისივე თქმით, სავარაუდოდ, 6 ივლისიდანვე დაშვებული იქნება საგამოფენო საქმიანობაც.

როგორც თურნავამ თქვა, აღნიშნული ღონისძიებები ჯანდაცვის სამინისტროს შემუშავებული აქვს შესაბამისი პროტოკოლის დაცვით იქნება დასაშვები.მისივე თქმით, პროტოკოლს მცირე დაზუსტება დასჭირდება და უკვე ორშაბათამდე ეს ყველაფერი გამოქვეყნდება.

"მინდა ვთქვა, რომ დღეს ვიმსჯელეთ გეგმაზომიერად, კიდევ არის დარჩენილი ბიზნეს საქმიანობები, რომელზეც შეზღუდვები ვრცელდება და სხვადასხვა ბინზესს საქმიანობის გარკვეული რაოდენობა დიდი ალბათობით, უკვე ორშაბათიდან უკვე დაშვებული იქნება. ეს არის გამოფენები, საგამოფენო საქმიანობა, ტრენინგები, კონფერენციები სასტუმროებში. იცით, რომ საკმაოდ დიდი მოთხოვნა არის მიუხედავად იმისა, რომ საერთაშორისო ვიზიტორები მოგვაკლდა, მაგრამ ჩვენი მოქალაქეებისთვის, სხვადასხვა ორგანიზაციის ეგიდით მოთხოვა იყო ტრენინგების, კონფერენციების, საქმიანი შეხვედრების ჩატარების, ვიმსჯელეთ და ვფიქრობთ, რომ ეს მოთხოვნა, რომელიც მოდის სასტუმროებიდან, საკმაოდ რაციონალური და სამართლიანია", — განაცხადა თურნავამ.