მმართველი გუნდის ლიდერის, მამუკა მდინარაძის აზრით, დღეს პრემიერმინისტრი გიორგი გახარია ოპოზიციას მესამე "პოლიტიკურ ნოკაუტში" ჩააგდებს, რადგან ოპოზიცია იმეორებს 3-4 თემას, რომელზეც "ჩაბჟირებულები" არიან. ის, პრემიერის მსგავსად, გამოეხმაურა ევროპული საქართველოს მიერ ფეისბუქზე გავრცელებულ ფოტოებს, რომლებშიც ჩანდა რომ პარტია გახარიას მოსმენისთვის ემზადებოდა. მდინარაე ამბობს, რომ ეს "მოთელვა" უშედეგო აღმოჩნდა.

"თქვენ შეგიძლიათ წინა დებატების ჩანაწერები ამოიღოთ და სიტყვა-სიტყვით იმეორებენ იმ 3-4 თემას, რომელზეც არიან ჩაბჟირებულები, რომ
იტყვიან და მეტი სალაპარაკო არა აქვთ. არანაირი სიახლე, თუნდაც კრიტიკაში, მათ არ შეუტანიათ. იგივეს იმეორებენ. მათი ეს ტრენინგი და მოთელვა, ისევ უშედეგო აღმოჩნდა, როგორც მათი საუბარი, რომელიმე თემასთან დაკავშირებით", - განაცხადა მან.

მდინარაძის თქმით, რომ გახარიას "ორატორული უნარი" აქვს და მის მხარეს "სიმართლეა", რის შედეგადაც ოპოზიცია რჩება "ძალიან ცუდ მდგომარეობაში".

წინა ორ "პოლიტიკურ ნოკაუტზე" მდინარაძემ აქამდეც ისაუბრა. ის გულისხმობს პრემიერის წინა ვიზიტებს პარლამენტში და დარწმუნებულია, რომ მაშინ ოპოზიცია გახარიასთან დებატებში დამარცხდა.