ნაციონალური მოძრაობის დეპუტატი, სალომე სამადაშვილი აცხადებს, რომ კახა კალაძის ფეისბუქეთერი 3 ტელევიზიის წინააღმდეგ, არის დაანონსებული რეპრესიები თავისუფალ სიტყვისა და გამოხატვის თავისუფლების წინააღმდეგ.

"ჩვენ ვხედავთ, რომ არჩევნების მოახლოებასთან ერთად, იზრდება ზეწოლა არამხოლოდ პოლიტიკურ ოპონენტებსა და ოპოიციაზე, არამედ დამოუკიდებელ მასმედიაზე. ეს იყო ფაქტობრივად გუშინ დაანონსებული კამპანია თავისუფალი მასმედიის წინააღმდეგ, რომლის განხორციელება დაიწყო ბატონმა კალაძემ", — განაცხადა მან.

გუშინ, 25 ივნისს თბილისის მერმა კახა კალაძემ თქვა, რომ ფეისბუქში გამოქვეყნებულ ანონსში მთავარი არხის, ფორმულასა და TV პირველის ლოგოები არა სისხლში "არამედ ტყუილებშია ჩაღვენთილი".

გუშინ, 25 ივნისს თბილისის მერმა განაცხადა, რომ ფეიკნიუსის წინააღმდეგ ვიდეოჩართვებს იწყებს. მისი თქმით, ყველას, ვინც მერიისა და მის წინააღმდეგ ცრუ ინფორმაციას ავრცელებს, "ცხვირ-პირში სიმართლის მუშტი მოხვდებათ".

როგორც კალაძე ამბობს, რადგან არჩევნები ახლოვდება, პოლიტიკოსებსა და მედიასაშუალებებში ცრუ და ცილისმწამებლური ინფორმაციის გავრცელებამ იმატა და სწორედ ამიტომ, აპირებს, რომ მათ "არგუმენტირებულად" და "რაციონალურად" უპასუხოს. მისი თქმით, ვიდეოჩართვებში მოსახლეობას აჩვენებენ, თუ როგორ ცდილობენ კონკრეტული მედიასაშუალებები საზოგადოების სიცრუეში შეყვანას.