მსოფლიო ბაზარზე დღეს ბევრი ციფრული აკადემია არსებობს. საქართველო არც ამ თვალსაზრისითაა გამონაკლისი. თანამედროვე ციფრული აკადემიები სტუდენტებს სხვადასხვა ცოდნასა და პრაქტიკას სთავაზობენ. Digital Bus Academy სწორედ მსოფლიოს საუკეთესო აკადემიებში დაგროვილ გამოცდილებაზე დაყრდნობით შეიქმნა. ეს არის სივრცე, სადაც ადამიანებს მომავლის პროფესიების შესწავლა დღესვე შეუძლიათ ონლაინ კურსების საშუალებით.

Digital Bus-ის კონცეფციაზე ციფრული მარკეტინგის სტრატეგს, აჩო სვანიძეს ვესაუბრეთ. ის მეგობრებთან ერთად კონსულტაციას უწევს საბანკო/საფინანსო, სამშენებლო, HoReCa, რითეილ და სხვა სფეროებში მომუშავე კომპანიებს.

რა არის Digital Bus?

აკადემიის შექმნის იდეა წლების წინ გაჩნდა, თუმცა Covid-19-ის პანდემიამ ეს პროცესი დააჩქარა. ჩვენ ძალიან სწრაფი ტემპებით დავიწყეთ მუშაობა, საქართველოში მოვიძიეთ ციფრული ტექნოლოგიების გამორჩეული პროფესიონალები, რათა სტუდენტებს, სკოლის მოსწავლეებსა და სფეროში დასაქმებულ ადამიანებს მათზე მორგებულად გავუზიაროთ ცოდნა და გამოცდილება უახლესი ტრენდების შესახებ. მოვამზადოთ სტუდენტები მუდმივად ცვალებადი ციფრული სამყაროსთვის.

რატომ Digital Bus?

Digital Bus ის სახელწოდების იდეა წამოვიდა სასკოლო ავტობუსიდან, რომელიც თანამედროვეა და მიისწრაფის წინ, სწრაფი განვითარების შესაძლებლობებით. ამ ავტობუსის საჭესთან კი ჩვენი გამოცდილი ტრენერები არიან.

დღეს, როგორც არასდროს, ციფრული სამყარო უსწრაფესი ტემპით ვითარდება. იცვლება მომხმარებელთა ქცევა, ონლაინ ტრენდები და ტექნოლოგიები. ინფორმაცია გახდა მალფუჭებადი პროდუქტი და რაც წლების წინ იყო ტრენდული, დღეს არაეფექტური და მოძველებულია.

ჩვენი მიზანია, შევაიარაღოთ ადამიანები უახლესი პრაქტიკული და თეორიული ცოდნით, რომელიც დასავლურ გამოცდილებაზეა დაშენებული.

თეორიული და პრაქტიკული ცოდნის გაზიარების გარდა, Digital Bus Academy ყველა კურსდამთავრებულს უწევს კონსულტაციას, თუ როგორ მოიძიონ ახალი სამსახური ან დაიწყონ ფრილანს კარიერა სახლიდან ისეთი პლატფორმების გამოყენებით, როგორებიცაა Toptal, Upowrk, Fiverr, Behance, Dribbble და ა.შ. საუკეთესო სტუდენტებს, მემორანდუმის საფუძველზე, ვგზავნით სტაჟირებაზე საქართველოში არსებულ საშუალო და დიდ კომპანიებში, ახლახანს გავაფორმეთ მემორანდუმი ციფრული ტრსანფორმაციის ყველაზე დიდ სააგენტოსთან რედბერისთან.

როგორ მუშაობს Digital Bus?

ჩვენ, ყველა კურსის ტრენერთან ერთად, ვამუშავებთ სასწავლო გეგმას, რომელიც მორგებულია ყველა ასაკის ადამიანზე, რომელსაც ციფრულ სამყაროში შებიჯება სურს. ამ ყველაფერს საერთო ღირებულებებით, საერთო შრომით და კურსდამთევრებულების განვითარების სურვილით ვაკეთებთ.

რა კურსებს აერთიანებს Digital Bus?

ამ ეტაპზე, ჩვენი აკადემია ოთხ სხვადასხვა კურსს გთავაზობთ. ესენია: გრაფიკული დიზაინი; SEO; UI/UX და ქოფირაითინგი. უახლოეს მომავალში, ჩვენ დავამატებთ ციფრული პროდუქტების მართვის საფუძვლების, Motion Graphic Design-ის, თამაშების დიზაინისა და ციფრული მარკეტინგის კურსებს.

გაიგეთ მეტი ონლაინ კურსების შესახებ Digitalbus.ge-ზე და ასევე Facebook გვერდზე Digital Bus Academy