მმართველი გუნდის დეპუტატის, ირაკლი კობახიძის განცხადებით, თვითონაც განეკუთვნება მოსახლეობის იმ უმრავლესობას, რომელიც ფიქრობს, რომ ქართულ პოლიტიკას ახალი პოლიტიკურ ძალის გამოჩენა სჭირდება. ასე გამოეხმაურა ის TI-ს კვლევას.

"მეც განვეკუთვნები ამ 80 პროცენტს. ასეთი მძიმე პოლიტიკური სპექტრით შეუძლებელია ჩვენი პარტიული სისტემის სათანადო განვითარება. თქვენ ხედავთ რა ვითარებაა, როდესაც პოლიტიკისები გუშინ და გუშინწინ აგინებდნენ ერთამენთს და მეორე დღეს ერთად არჩევენ პოლიტიკურ საკითხებს. ეს უპრინციპობა და ღირებულებების არქონა მიუღებელია და ამითაა განპირობებული ეს მაჩვენებელი", — განაცხადა მან.

საერთაშორისო გამჭვირვალობის დაკვეთით ჩატარებული კვლევის შედეგად გამოჩნდა, რომ საქართველოს ზრდასრული მოსახლეობის დიდი უმრავლესობის, ანუ 79 პროცენტის აზრით, ქართულ პოლიტიკას ახალი პოლიტიკურ ძალის გამოჩენა სჭირდება. 2019 წელს დასმულ ამავე კითხვაზე პასუხები, ფაქტობრივად, ინდენტური იყო.

საზოგადოებრივი აზრის კვლევის შედეგები, საერთაშორისო გამჭვირვალობა - საქართველოს დაკვეთით კავკასიის კვლევითი რესურსების ცენტრმა (CRRC) 2020 წლის 27 თებერვლიდან 18 მარტამდე პერიოდში ჩაატარა და მთელი ქვეყნის მასშტაბით 1,763 ადამიანი გამოკითხა. კვლევის საშუალო ცდომილება 2,2 პროცენტული პუნქტია.